Mateyu 13:15 - Tonga Bible 1986

¹⁵ Chifukwa watutuŵa mtima wa khamu lenili, ndipo makutu ghawo ghatuvwa chizituzitu, ndi maso ghawo ŵajara; vinu kokuli ŵangathoŵa ndi maso ghawo, ŵangapulikizga ndi makutu ghawo, ndipo ndi mtima wawo ŵangawamo, ndi ŵangang'anamuka ndipo ndingaŵachizga.’

Mateyu 13:15 ပူးပေါင်းရင်းမြစ်များ

Sumu 119:70

mtima wawo ngwakununa nge ndi mafuta, kweni ine likondwa langu le mu dangu linu.

Nthanthi 16:30

Mweniyo wakupiya maso ghake warongoso vinthu vyakupuruska, mweniyo wasunama milomo yake wachitiska uheni.

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Yesaya 57:18

Ndawona nthowa zake, kweni ndikamuchizganga; ndikamurongozganga, ndi ndikamuwezgiyanga kusangaruka, kuŵachitiya ŵakumutenje chipasi cha milomo yo.

Yesaya 6:10

Utuluvye mitima ya ŵanthu yaŵa, makutu ghawo ghaŵe ghazituzitu, ndi ujare maso ghawo; vinu ŵangawona ndi maso ghawo, ŵangavwa ndi makutu ghawo, ndi ŵangawomo ndi mitima yawo, ŵangang'anamuka ndi ŵangachizgika.”

Yeremiya 17:14

Ndichizgeni, Ambuya, ndipo ndikachizgikanga; ndipozomoskeni, ndipo ndikapozomokanga; pakuti imwe ndimwe rumbu langu.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yeremiya 33:6

Ehe, ndikatolenga kwaku wo umoyo ndi kuchizga, ndipo ndikaŵachizganga ndi kuŵalongo kuzara kwa vyakusakata ndi wanangwa.

Hoseya 14:4

Nkhachizganga kuwere vuli kwawo, nkhaŵanjanga kwawanangwa, chifukwa ukari wangu waweko kwaku iwo.

Zekariya 7:11

Kweni wangukana kuvwiya, ŵangusukung'a maphewa, ndi kujara makutu mwakuti ŵareke kuvwa.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Marko 4:12

alinga kuti kuwona ŵangawona kweni ŵangawamo cha; vinu kokuli ŵangang'anamuka, ndipo ŵangagowokereka.”

Luka 19:42

wakuti, “Mphanyi unguziŵa mu zuŵa lenili, iwe nawe, vya ku chimangu! Kweni sono vyabisika ku maso ghako.

Machitidu gha Ŵakutumika 28:27

Chifukwa mtima wa khamu lenili watutuŵa, ndipo ndi makutu ghawo ŵatuvwa chizituzitu, ndipo maso ghawo ŵasizimiya; vinu akhumba ŵangawona ndi maso ghawo, ndi ndi makutu ghawo ŵangavwa, ndipo ndi mtima ŵangawamo, ndipo ŵangang'anamuka, ndipo ine ndingaŵachizga.’

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Machitidu gha Ŵakutumika 7:57

Kweni iwo, pakukambura ndi mazu ghakuru, ŵangujara makutu ghawo, ndipo ndi mtima umoza ŵangurotoke pake;

2 Timote 4:4

ndipo ŵarekenge kuvwa uneneska wo, ndipo ŵang'anamukiyenge ku zinthanu.

ŴaHebere 5:11

Ghapaku mweniyo te nagho mazu ghanandi kukamba, gho nganononu kung'anamuwa, pakuti mwaŵa ŵakudodoma kutegherezga.

Chivumbuzi 22:2

ndi mukati mu mseu wa msumba. Ndipo sirgha lino ndi sirgha liya la msinji penga muti wa umoyo, wo upasa vipasi vya mitundu chumi ndiyiŵi, ndi upasapasa mwezi ndi mwezi: mane ghake nagho ngakuchizgiya mitundu.