Mateyu 12:31 - Tonga Bible 1986

³¹ Viyo ndikuneniyani, kulakwa kose ndi kutuka kungagowokeleka ku ŵanthu, kweni kutuka kwapa Mzimu Wakupaturika kuti kugowokelekenge cha.

Mateyu 12:31 ပူးပေါင်းရင်းမြစ်များ

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

ŴaLevi 24:16

Yo watuka zina la Ambuya wabayike: mpingu wose ukamudinanga ndi mya. Mlendo wakutandara mukati mwinu ndi mwenicharu nayo, asani watuka, zina lo, wakabayikanga.

Luka 12:10

Ndipo yose yo wakambiyenge mazu pa Mwana wa munthu, kurekekiyenge iyo; kweni ku wakutuka, pa mzimu Wakupaturika kuti kumurekekiyenge cha.

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

ŴaHebere 10:26

Chifukwa asani tilakwiya ncheni pavuli pa kuronde mziŵiru wa uneneska wo, kuti ujako so cha mpasku wapa chifukwa cha vilakwa,

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

ŴaHebere 6:4

Chifukwa kuchiri kwaku ŵeniwo ŵangweruskika kali, ndi ŵangulaŵa mpasku wakuchanya, ndipo ŵangusangana mu Mzimu Wakupaturika,

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.