Mateyu 12:30 - Tonga Bible 1986

³⁰ Yo kuti we pamoza nane cha, wamikana nane; ndipo yo walive kuwunjika pamoza nane, waparghang'a.

Mateyu 12:30 ပူးပေါင်းရင်းမြစ်များ

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Sumu 94:16

Njani yo wangundisoke kumikana ndi ŵaheni? Njani yo wenga kuchiri kwangu kumikana ndi ŵakuchita mphurupuru?

Nthanthi 11:24

Munthu yumoza wapaska kwa wanangwa, kweni vyose vikuwa kusambasa ukongwa; munyake wakaniriya chenicho wangapaska, ndipo wakomwa vichimusoŵa.

Hoseya 1:11

ŴaYuda ndi ŵaYisraele ŵamuwunjikika pamoza, ndi kujisankhiya murongozgi yumoza; ndipo ŵamukwera kutuwa mu charu, chifukwa zuŵa laku Yezerele likaŵanga likuru.

Mateyu 12:29

Pamwenga munthu wangaziŵa uli kusere mu nyumba ya wanthazi, ndi kuskoŵa vyuma vyake, kwambura kuti wadanga chamanga munthu wanthazi yo? Penipo ndipo waskoŵenge nyumba yake.

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Marko 9:40

Chifukwa yose yo kuti wamikana nafwe cha, we kuchiri kwaku ifwe.

Luka 11:23

Yo kuti ngwa pamoza nane cha, ngwakumikana nane; ndipo yo walive kuunjika pamoza nane cha, waparghang'a.

Luka 9:50

Kweni Yesu wangumunene “Mungakanizganga cha; chifukwa mweniyo yose kuti ngwa paku imwe cha we kwaku imwe.”

Yohane 11:52

Inya pa chifwa cha mtundu wo pe cha, kweni alinga kuti ŵana ŵaku Chiuta ŵakumwaranika waŵaungang'e mu liŵavu limoza.

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Yoswa 5:13

Penipo Yoswa wenga pafupi pa Yeriko, wangusoska maso ghake wangulereska, wanguwona, munthu wanguma paurongo pake, ndi lipanga lakuwewepuwa mu janja lake; ndipo Yoswa wanguruta kwaku iyo wangunena nayo, “Kumbi iwe wendi ifwe, pamwenga weku ŵakupindikana ŵidu?”

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.