Mateyu 12:25 - Tonga Bible 1986

²⁵ Kweni Yesu, pakuziŵa marunguruku ghawo, wanguti kwaku wo, “Ufumu wose wakugaŵikana paku wija upopeskeka; ndipo muzi wose pamwenga nyumba yakugaŵikana paku yija, kuti yingama cha,

Mateyu 12:25 ပူးပေါင်းရင်းမြစ်များ

1 ŴaKaronga 16:21

Sono ŵaYisraele ŵangugaŵikana vigaŵa viŵi, chigaŵa chimoza chingurondo Tibini mwana waku Ginati, kumumika kuŵa karonga, chigaŵa chinyake chingurondo Omri.

Sumu 139:2

Imwe muziŵa chose cho ndichita, kutuliya kutali muwamo maghanaghano ghangu ghose.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Amosi 4:13

Chifukwa ehe, iyo wakuwumba mapiri, watata mphepo; ndi kukamba ku munthu gho ndi maghano-ghano ghake; yo wachita mlenji kuŵa mdima, ndi kukanda pa utali wa charu chapasi Ambuya Chiuta wa maŵanja, ndilo zina lake!

Mateyu 9:4

Ndipo Yesu, wakuziŵa maghanaghanu ghawo, wanguti, “Chifukwa chine mupimiya viheni mu mitima yinu?

Marko 2:8

Ndipo sosonukweni Yesu, wakuziŵa mu mzimu wake kuti ŵarungurukanga viyo mwaku ŵija, watiti kwaku wo, “Chifukwa chine murunguruka vyenivyo mu mitima yinu?

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

1 ŴaKorinte 2:11

Chifukwa mu ŵanthu njani ŵaziŵa vya munthu, kweni mzimu wa munthu, wa mwake? Viyo so vyaku Chiuta kuti yumoza waviziŵa cha, kweni Mzimu waku Chiuta ndiyo.

ŴaGalatia 5:15

Kweni asani murumana ndi muturghan, cheŵani vinu mungamarizgana.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Chivumbuzi 16:19

Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.