Mateyu 12:14 - Tonga Bible 1986

¹⁴ Kweni ŵafarisi, ŵangutuwamo, ŵangupangirana upu paku iyo, mo ŵamunangiyenge.

Mateyu 12:14 ပူးပေါင်းရင်းမြစ်များ

Mateyu 26:4

ndipo ŵangupangana kumko Yesu mu uchenjezi, ndi kumubaya.

Mateyu 27:1

Ndipo kwati kwacha wose ŵazukuru ŵara ndi ŵara ŵa khamu lo ŵangupanga upu paku Yesu, kwachimbaya;

Marko 14:1

Kweni pavuli pa mazuŵa ghaŵi linguŵapo dghera la phaska, ndi la chiŵande chambura chimera: ndipo ŵazukuru ŵara ndi ŵalembi ŵapenjanga mo wambayiyenge, wachimko kwa uchenjezi:

Marko 3:6

Ndipo wachituwamo ŵaFarisi, sosonukweni pamoza ndi ŵaHerode ŵachitanga upu paku iyo, mo ŵangamunangiya.

Luka 22:2

Ndipo ŵapenjanga ŵazukuru ŵara ndi ŵalembi mo ŵambayiyenge; chifukwa wopanga khamu lo.

Luka 6:11

Ndipo iwo ŵanguzazika ndi ukari ndipo ŵakambirananga cho ŵangamchitiya Yesu.

Yohane 10:31

ŴaYuda ŵangusoska so mya, kuti ŵampong'e.

Yohane 10:39

Wangulembe so kumko; ndipo wangufwanthamuka mu manja gha wo.

Yohane 11:53

Viyo kwanda ku zuŵa leniliya ŵangupangirana kumubaya.

Yohane 11:57

Kweni ŵazukuru ŵara ndi ŵaFarisi ŵangulanguliya ŵanthu, kuti, asani yumoza wangaziŵa po wangaŵa ŵatenere kukamba alinga kuti ŵamko.

Yohane 5:18

Viyo chifukwa chenicho ŵaYuda ŵapenjanga ukongwa kumbaya, chifukwa kuti Sabata pe cha, kweni so chifukwa wakambanga kuti Chiuta ndi Wiske wapamtima wake, wakujiyaniska ndi Chiuta.

Yohane 7:30

Viyo ŵalembanga kumko: ndikweni kwengavi yumoza wanguŵikapo pake janja, pakuti ora lake lenga lindaze.

Yohane 7:32

ŴaFarisi wanguvwa mzinda uchidinginika paku iyo; ndipo ŵazukuru ŵara ndi ŵaFarisi ŵangutuma ŵamirizi mwakuti ŵamko.

Yohane 7:44

Ndipo ŵanyake mwaku wo ŵakhumbanga kumko, kweni kwengavi yumoza wanguŵikapo pake manja.

Yohane 8:59

Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.