Mateyu 11:23 - Tonga Bible 1986

²³ Ndipo iwe, Kapernaumu, utumphulikiyenge mpaka kuchanya, nthu? Mpaka ku Hadesi upawuskikiyenge. Chifukwa asani mu Sodomu vinguchitika vyanthazi vyakuchitika mwako, mphanyi wungujaririya mpaka kuno ku le.

Mateyu 11:23 ပူးပေါင်းရင်းမြစ်များ

Chiyambo 13:13

Sono ŵanthu ŵamu Sodomu ŵenga ŵaheni, ŵakulakwiya Ambuya weni ukongwa.

Chitenje 2:1

Ambuya mu ukari wawo ŵapong'a ŵanthu ŵaku Zioni mu mdima! Apong'a, kutuwa kuchanyakuza pa charu chapasi, kunozga kwaku Yisraele; akumbuka cha chitengo cha phazi lawo mu zuŵa la ukari wawo.

Ezekiele 26:20

penipo ndipo ndikakukosoliyanga pasi pamoza ndi wo ŵasikiya ku zenje, ku ŵanthu ŵa mwaka, ndipo ndikakujarikanga mu charu chapasi ukongwa, mukati mumalo ghakupasuka kale, pamoza ndi wo ŵasikiya ku zenje, mwakuti ureke kuŵa so chakujamo cha ŵanthu pamwenga kuŵa ndi malo mu charu cha ŵamoyo.

Ezekiele 31:14

Chose ichi chaŵapo mwakuti miti yose ya pafupi ndi maji yireke kukuwa ukongwa viyo, pamwenga kujarika songo zake mu mitambo, ndi kuti miti yose yo yitumwa maji yireke kujikwezga kwakuruska mwaku iyo yeneko; pakuti yose yikuperekeka ku nyifwa, kusi kwa charu chapasi mukati mu ŵanthu ŵakufwa, pamoza ndiwo ŵasikiya ku Zenje.

Ezekiele 32:18

“Mwana wa munthu, soska chitenje, iwe pamoza ndi ŵana ŵanthukazi ŵa ŵamitundu, kuliriya pa umba wa ŵaEgipiti ndi mikoku yake, ŵeniwo ndikaŵasiskiyanga kusi kwa charu chapasi pamoza ndi wose wo ŵasikiya ku muunda:

Ezekiele 32:24

“Elamu we kwenikuwa, ndi mpingu wake wose muunda wake zingirizgi; wose mbakubayika, ŵakuwa ndi lipanga, wo ŵakusikiya kusi kwa charu ŵambura kuchinjika, wo ŵangutenthemeska ŵanyawo mu charu cha ŵamoyo, sono ŵanyamuwa soni zawo pamoza ndiwo ŵasikiya ku Zenje.

Obadiya 1:4

Chingana utijitukumuwa wija nge ndi nombo, chingana chivimbo chako che mukati mu nyenyezi, ndikusiskiyenge pasi, atiti Ambuya.

Mateyu 10:15

Nadidi ndinene imwe, mu zuŵa la cheruzgu kuŵenge kwamakunthirikako ku charu cha Sodomu ndi Gomora, kwakuruska ku muzi muwa.

Mateyu 16:18

Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

Mateyu 17:24

Kweni ŵachiza mu Kapernaumu, ŵanguza kwaku Petro ŵakuronde msonkho, ndipo ŵanguti, “Asi Msambizi winu walipa msonkho wo?”

Mateyu 4:13

ndipo pakusiya Nazarete, wanguza ndi kuja mu Kapernaumu wapa nyanja, mu mphaka zaku Zebuluni ndi Naftali;

Mateyu 8:5

Ndipo wati wasere Yesu mu Kapernaumu, yinguza kwaku iyo nduna, yakumuŵeyere,

Luka 10:15

Ndipo iwe Kapernaumu utumphulikenge mpaka kuchanya kumbi? Mpaka ku Hadesi upauskikiyenge.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Luka 16:23

Ndipo mu Hadesi wanguti wayinuska maso ghake, pakuŵa mu maurwirwi, wanguwona Abrahamu kutari, ndi Lazaro mu chipakatu chake.

Luka 4:23

Ndipo wanguti kwaku wo, “Posepose mundineniyenge ntharika yeniyi, ‘Ng'anga, ujichizge; vyenivyo vyose tavwa vyachitika mu Kapernaumu, chitanga muno so mu charu cha kwako.’ ”

Machitidu gha Ŵakutumika 2:27

Chifukwa kuti mwamjowo mzimu wangu mu Hadesi cha, chingana nkhuti mwampaska Wakupaturika winu kuwona chivuzi cha.

Machitidu gha Ŵakutumika 2:31

Pakuwona limu chenichi wangurongoro chiyuka chaku Kristu, kuti wangujowoleka mu Hadesi cha, chingana nkhuti liŵavu lake linguwona chivuzi cha.

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

Chivumbuzi 11:8

Ndipo vitanda vyawo vyamura mu mseu wa msumba wo ukuru. Zina lachikozgu cha msumba uwa uzumbulika Sodomu ndi Egipiti, kweniko Mbuyawo nayo wangupayikika.

Chivumbuzi 20:13

Ndipo nyanja yingufunchizga ŵakufwa ŵamwake; ndipo Nyifwa ndi Hadesi vingupereka ŵakufwa ŵamwaku wo: ndipo ŵangweruzgika, munthu yose, kwakulingana ndi nchitu yake.

Chivumbuzi 6:8

Ndipo ndingulereska awonani, kavalo wakonda: ndipo zina laku yo wangugarapo pake lenga Nyifwa: ndipo Hadesi wangurongozgana nayo; kwaku iwo kungupaskika mtufu wapa chigaŵa chapanayi cha panupasi kwachibaya ndi lipanga ndi ndi chirara, ndindi nyifwa, ndindi vikoku vyo charu.