Mateyu 11:18 - Tonga Bible 1986

¹⁸ Chifukwa wanguza Yohane wakurgha cha chingana nkhumwa cha, ndipo ŵatiti, ‘We ndi demone.’

Mateyu 11:18 ပူးပေါင်းရင်းမြစ်များ

2 ŴaKaronga 9:11

Penipo Yehu wangutuliya ku ŵateŵeti ŵa mbuyake, iwo ŵanguti kwaku iyo, “Kumbi kwe umampha? Wanguziyanji kwaku iwe wakufuntha uyu?” Iyo wanguti kwaku wo, “Imwe namwe mutumiziŵa munthu uyu ndi kakambidu kake.”

Yeremiya 15:17

Ine kuti ndinguja nawo mu mpingu wa ŵamalikondwa gha ŵaka cha, chingana nkhuti ndingusekere nako cha. Ndinguja pakundija, chifukwa janja linu lenga paku ine, pakuti mungundizaza ndi ukari.

Yeremiya 29:26

‘Ambuya akukuŵika kuŵa mzukuru mu malo ghaku Yehoyada mzukuru, kuŵa ndi mtufu mu nyumba ya Ambuya pa munthu yose wakufuntha mweniyo wachima, kumuŵika mu gori ndi mu matangaja.

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Mateyu 10:25

Nkhwakukwaniya msambizi kuti waŵe nge ndi msambizgi wake, ndi mteŵeti nge ndi mbuyake. Asani mweninyumba ŵatimzumbuwa Belzebule, uli ukongwa kwakuruska ŵamunyumba yake?

Mateyu 11:17

‘Tingufyororoske imwe, ndipo kuti munguvina cha; tinguliriya imwe, ndipo kuti mungutenje cha.’

Mateyu 3:4

Kweni mweniyo Yohane wenga ndi chakuvwara chake cha weya wa gamila, ndi likwamba la chikopa lo wamanganga mu chiunu chake; ndipo chaukurgha chake chenga ŵazombe ndi uchi wamu dondo.

Mateyu 9:34

Kweni ŵaFarisi ŵatinge, “Mu mweni-demone watuzga ŵademone.”

Marko 3:22

Ndipo ŵalembi wo ŵangusika ku Yerusalemu ŵatinge, “We ndi Belzebule; ndikuti, ndi fumu yo ŵademone waŵatuzga ŵademone.”

Luka 1:15

Pakuti waŵenge mura pa maso gha Ambuya: ndipo vinyo ndi chikumwa chikari wangamwanga cha; ndipo wazazikenge ndi Mzimu Wakupaturika, kutuwa mu nthombo ya nyina.

Yohane 10:20

Wanandi mwaku wo ŵanenanga, “We ndi demone, wakufuntha; chifukwa chine mutumuvwa?”

Yohane 7:20

Mzinda wo ungwamuka, “We nayo demone: njani walembe kukubaya?”

Yohane 8:48

ŴaYuda ŵangwamuka ndi ŵangumnene, “Asi tikamba kwakurunjika kuti we muSamaria iwe, ndipo we ndi demone?”

Yohane 8:52

Ŵangumnene ŵaYuda, “Sono tiziŵiska kuti we ndi demone. Abrahamu wakufwa ŵamchimi ŵakufwa, kweni iwe utiti, ‘Asani yumoza wangasunga mazu ghangu, kuti wamkwesa nyifwa cha muyaya!’

Machitidu gha Ŵakutumika 26:24

Ndipo wachijivikiriya iyo vyenivyo, Festo wanguti ndi mazu ghamkankha, “Paulo wafuntha, masambiru ghako ghanandi ghakung'anamuskiya ku vibwetu.”

1 ŴaKorinte 9:27

kweni ndijenyeska liŵavu langu, ndipo nditirithereska: vinu, ndati ndamemeze ŵanyake, ndamweni ndingaŵa wakupatika.