Mateyu 10:40 - Tonga Bible 1986

⁴⁰ “Wakuronde imwe waronde ine, ndipo wakuronde ine waronde wakundituma.

Mateyu 10:40 ပူးပေါင်းရင်းမြစ်များ

1 ŴaKaronga 18:4

ndipo penipo Yezebelu wangubaya ŵa mchimi ŵa Ambuya, Obadiya wanguto ŵa mchimi machumi pe chumi (100) wanguŵabisa machumi ghankhonde ghankhonde mu mphanji, ndipo wanguŵapaska kurgha ndi maji.)

Yeremiya 39:17

Kweni ndikakutaskanga iwe mu zuŵa leniliya, atiti Ambuya, ndipo kuti ukaperekekanga mu janja la ŵanthu wo utopa cha.

Mateyu 18:5

“Ndipo yose yo warondiyenge kana kamoza kaviyo mu zina langu, waronde ine;

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Mateyu 25:45

Sono waŵamukenge, wakuti, ‘Ndikuneneskiyani, mwakuti mwengavi kuchitiya yumoza waku wo ŵamanako kwakuruska, kuti munguchitiya ine cha.’

Marko 9:37

“Yose yo wangaronde kamoza ka twana twaviyo mu zina langu, waronde ine; yo wangaronde ine, kuti waronde ine cha, kweni wakundituma yo.”

Luka 10:16

“Yo ngwakuvwa imwe, watuvwa ine; ndi wakukana imwe wakana ine; ndi wakukana ine wakana wakundituma.”

Luka 9:48

ndipo wanguti kwaku wo, “Mweniyo yose wangaronde kana yaka pa zina laku ine, waronde ine: ndipo mweniyo yose wangaronde ine, waronde wakundituma: chifukwa mumanaku yo waku mose ndiyo waŵenge mura.”

Yohane 13:20

Nadidi ndikuneneskiyani, wakuronde mweniyo yose nditumenge, waronde ine; ndipo wakuronde ine, waronde Wakundituma.”

Yohane 20:21

Yesu wanguŵanene so, “Chimangu chikuŵiyeni! Mo Dada wanditumiya ine, nane so ndikutumani.”

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

2 ŴaKorinte 5:20

Viyo te mathenga pa chifukwa chaku Kristu, nge Chiuta waŵeyererenga mwaku ifwe: tininizikiya imwe pa chifwa chaku Kristu, mwanjaniskikiye kwaku Chiuta.

ŴaGalatia 4:14

ndipo kesedu ko kamu liŵavu langu ko kangwesa imwe, kuti mungutoza cha, chingana nkhuzira; kweni mungundironde nge ndi mungelo waku Chiuta, uli ndi Kristu Yesu iyo.

1 ŴaTesalonika 4:8

Viyo yose wakukana ichi kuti wakaniya munthu cha, kweni Chiuta, yo wakupaskani Mzimu wake Wakupaturika.

2 Yohane 1:9

Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.