Mateyu 10:23 - Tonga Bible 1986

²³ Ndipo ŵachimundondoroskani mu muzi uwu, thaŵiyani ku unyake; chifukwa nadi ndinene imwe kuti mukafiskanga mizi yose yaku Yisraele cha, wenga wandazi Mwana wa munthu.

Mateyu 10:23 ပူးပေါင်းရင်းမြစ်များ

Yeremiya 26:21

Ndipo po karonga Yehoyakimu, pamoza ndi ŵankhondo ŵake ndi ŵaraŵara wose, ŵanguvwa mazu ghake, karonga wapenjanga kumubaya; kweni Uriya wanguti waghavwa wangopa ndi wanguthaŵiya ku Egipiti.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

Mateyu 16:28

Ndikuneneskiyani, Alipo ŵanyake ŵaku wo ŵatuma panu, wo kuti ŵesenge nyifwa cha, mpaka po ŵawona Mwana wa munthu wachiza mu ufumu wake.”

Mateyu 2:13

Ndipo ŵati ŵaruta iwo, wonani, mungelo wa Ambuya wangumwoneke Yosefe mu loto, wakuti, “Yuka, to mwana yo ndi anyina, thaŵiyani ku Egipiti, ndi mukaje kweniko mpaka pondikuneniyani; chifukwa Herode wapenjenge mwana yo kumubaya.”

Mateyu 23:34

Chifukwa chenichi, wonani, nditumizga kwaku imwe ŵamchimi ndi ŵazeru ndi ŵalembi: ŵaku wo mubayengepo ndi mupayikenge, ŵaku wo mukwechuwengepo ŵanyake mu masinagoge ghinu, ndipo muŵadikiskenge ku muzi ndi muzi,

Mateyu 23:36

Nadidi ndikuneniyani, vyose ivi vizenge pa mgonezi uwu.

Mateyu 24:27

Chifukwa uli ndimo limphezi limwetukiya ku utuli wa dazi, ndipo liwoneka mpaka kuuserere; viyo ndimu uŵiyenge uzi wa Mwana wa munthu.

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Mateyu 24:34

Nadidi ndikuneniyani, mgonezi uwu kuti urutengepo cha, mpaka penipo ivi vyose vyafiskika.

Mateyu 24:48

Kweni asani muŵanda mweniyo mheni wanenenge mu mtima wake, ‘Ambuya ŵaswera,’

Mateyu 25:13

Viyo khazgani, pakuti mulive kuliziŵa zuŵa chingana ndi ora.

Mateyu 26:64

Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.”

Mateyu 4:12

Kweni Yesu wanguti wavwa kuti Yohane wamangika, wanguruta ku Galile:

Marko 13:26

Ndipo sono ŵakawonanga Mwana wa munthu wakuziya mu mitambo ndi nthazi yikuru ndi unkhankhu.

Luka 18:8

Ndikuneniyani kuti, waŵachitiyenge utaski ruŵi. Posepose napo, wachiza Mwana wa munthu, wachisaniyenge chivwanu pa charu, kumbi?”

Luka 21:27

Ndipo sono ŵakamuwonanga Mwana wa munthu wakuza mu mtambo ndi nthazi ndi unkhankhu ukuru.

Yohane 7:1

Ndipo pavuli paku vyenivi Yesu wendayendanga mu Galile: kuti wakhumbanga kwendayenda mu Yuda cha, pakuti ŵaYuda ŵapenjanga kumbaya.

Machitidu gha Ŵakutumika 17:10

Ndipo sosonu ŵabali wo ndi usiku ŵangutuma Paulo ndi Sila ku Berea: ŵeniwo, ŵati ŵazako, ŵangusere mu sinagoge la ŵaYuda.

Machitidu gha Ŵakutumika 17:14

Ndipo sosonukweni ŵabali wo ŵangutuma Paulo kuruta mpaka ku nyanja: kweni Sila ndi Timote ŵajaririyanga kweniko.

Machitidu gha Ŵakutumika 20:1

Ndipo chinguti chamara chibumuzi cho, Paulo wangudana ŵasambizi ŵake, ndipo, ŵati ŵakhwimiskika, wangurayirana nawo, ndi wangutuwako kuya ku Makedonia.

Machitidu gha Ŵakutumika 8:1

Ndipo Saulo wazomerezgananga nawo mu kubayika kwake. Ndipo mu zuŵa lo chinguŵapo chiŵembu chikuru pa mpingu wamu Yerusalemu; ndipo ŵangumwaranikiya wose mu vyaru vya Yuda ndi Samaria, kweni ŵakutumika wo pe cha.