Mateyu 10:19 - Tonga Bible 1986

¹⁹ Kweni penipo ŵamukumweruzgani, mungakweŵeka ndi mo mungakambiya pamwenga cho murongoronge cha, chifukwa kupaskikenge kwaku imwe mu ora lenilo chenicho murongoronge.

Mateyu 10:19 ပူးပေါင်းရင်းမြစ်များ

Chituwa 4:12

Viyo sono rutanga, ndipo ine ndikaŵanga ndi mlomo wako, ndi kukusambizga vyenivyo wamukamba.”

Chituwa 4:15

Iwe ukambenge nayo ndipo ukaŵikanga mazu gho mu mlomo wake; ndipo ine ndikaŵanga ndi mlomo wako ndi mlomo wake, ndipo ndikakusambizganinga chenicho mwamuchita.

Yeremiya 1:7

Kweni Ambuya anguti kwaku ine, “Reka kukamba kuti, ‘Nde mwanamana’; pakuti kwaku wose wo ndikutumengeko ukarutanga, ndipo chose cho ndilanguliyenge iwe ukachikambanga.

Yeremiya 1:9

Sono Ambuya angutambaruwa janja lawo ndi angukwaska mlomo wangu, ndipo anguti kwaku ine, “Ehe ndaŵika mazu ghangu mu mlomo wako.

Mateyu 10:18

ndipo so ku zinduna ndi ŵakaronga mutolekiyenge pa chifwa chaku ine, kwachiŵiya iwo ndi ŵaMitundu chisimikizgu.

Mateyu 6:25

“Chifukwa chenichi ndikuneniyani, mungakweŵekiyanga umoyo winu cha, cho mungargha pamwenga cho mungamwa; chingana nkhu liŵavu linu, cho mungavwara. Asi umoyo ngukuru ku chaukurgha, ndi liŵavu ndikuru ku chakuvwara?

Mateyu 6:31

Viyo mungakweŵekanga, kuti, ‘Tirghengenji?’ Pamwenga, ‘Timwengenji?’ Pamwe, ‘Tivwalengenji?’

Mateyu 6:34

“Viyo mungakweŵekiyanga la mawa cha: chifukwa la mawa lijikweŵekiyenge lija. Ngwakukwaniya zuŵa lo uheni wake.

Luka 12:11

Ndipo penipo ŵakutoliyeninge ku masinagoge gho, ndi ku ŵara, ndi ku mitufu, mungakweŵeka cha chenicho muŵamukenge, chingana nchenicho mukambenge:

Luka 12:12

chifukwa Mzimu Wakupaturika warunguchizgenge imwe mu ora leniliya vyo mutenere kukamba.”

Machitidu gha Ŵakutumika 6:10

Ndipo ŵanguŵavi nthazi kumikirana ndi zeru ndi Mzimu mwenimo warongororenga.

ŴaFilipi 4:6

Mungakweŵeke kose cha; kweni mu kanthu kose, mu rombu ndi mu niniziku pamoza ndi kuwonga, mapemphu ghinu ghaziŵikwe kwaku Chiuta.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.