Mateyu 10:14 - Tonga Bible 1986

¹⁴ Ndipo mweniyo yose wangamrondeni cha, chingana nkhuvwa mazu ghinu, muchituwamo mu nyumba yo pamwenga muzi wo, kung'unthani fuvu la marwayo ghinu.

Mateyu 10:14 ပူးပေါင်းရင်းမြစ်များ

Nehemiya 5:13

Ndipo ndingukung'untha so chiunu changu ndi ndinguti, “Viyo Chiuta wadikiskemo munthu we yose mu nyumba yake ndi mu nchitu yake yo warekenge kufiska phanganu lake, viyo ndimo wadikiskiyemo ndi kuŵa wambura kanthu.” Ndipo wumba wose unguti, “Ameni,” ndi ungukankhuska Ambuya. Ndipo ŵanthu ŵanguchita kwakuyana ndimo ŵangupanganirana.

Mateyu 10:13

Ndipo asani nyumba yo njakwenere, chimangu chinu chiziye paku yo: kweni asani kuti njakwenere cha, chiwere kwaku imwe chimangu chinu.

Mateyu 18:5

“Ndipo yose yo warondiyenge kana kamoza kaviyo mu zina langu, waronde ine;

Marko 6:11

Ndipo ku malo kose ko ŵareka kukurondeni, chingana nkhukuvwani, muchituwa kweniko, kung'unthani fuvu la kusi ku marwayo ghinu, nge nchisimisimi kwaku wo.”

Marko 9:37

“Yose yo wangaronde kamoza ka twana twaviyo mu zina langu, waronde ine; yo wangaronde ine, kuti waronde ine cha, kweni wakundituma yo.”

Luka 9:48

ndipo wanguti kwaku wo, “Mweniyo yose wangaronde kana yaka pa zina laku ine, waronde ine: ndipo mweniyo yose wangaronde ine, waronde wakundituma: chifukwa mumanaku yo waku mose ndiyo waŵenge mura.”

Luka 9:5

Ndipo wose wo ŵarekenge kukurondeni, muchituwako ku muzi wuwa, kung'unthani ku marundi ghinu fuvu lo nge mbukaboni paku wo.”

Yohane 13:20

Nadidi ndikuneneskiyani, wakuronde mweniyo yose nditumenge, waronde ine; ndipo wakuronde ine, waronde Wakundituma.”

Machitidu gha Ŵakutumika 13:51

Kweni iwo, pakuŵakung'unthiya fuvu la marundi ghawo, ŵanguza ku Ikonio.

Machitidu gha Ŵakutumika 18:6

Kweni po ŵangumikirana nayo iwo, ndi kutuka, wangukung'untha minjirira yake, ndipo wangunena nawo, “Ndopa zinu ziŵi pa mitu yinu; ndasasamo ine; kwanda sono ndikenge ku ŵaMitundu.”

1 ŴaTesalonika 4:8

Viyo yose wakukana ichi kuti wakaniya munthu cha, kweni Chiuta, yo wakupaskani Mzimu wake Wakupaturika.