Marangu 7:9 - Tonga Bible 1986

⁹ Viyo ziŵani kuti Ambuya Chiuta winu ndi Chiuta wamagomekezgeka, yo wasunga phanganu ndi lisungu ndi ŵeniwo ŵatumwanja, ndi ŵasunga marangu ghake, kufika ku mwandano wa chikwi (1,000).

Marangu 7:9 ပူးပေါင်းရင်းမြစ်များ

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

Chiyambo 28:15

Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

Chiyambo 9:15

ndikakumbukanga phanganu langu lo le pakati paku ine ndi imwe ndi nyama zose zamoyo; ndipo maji kuti ghakawerengapo cha kusanduka zandi kwachinanga nyama zose.

1 ŴaKaronga 8:23

ndi wanguti, “Ambuya mwe, Chiuta waku Yisraele, kulivi Chiuta wakukozgana ndi imwe, kuchanya ko pamwenga pasi pa charu wakusunga phanganu ndi kurongo chifundu ku ŵaŵanda ŵinu wo ŵatenda paurongo pinu ndi mtima wawu wose,

1 Mikoka 16:15

Wakumbuka phanganu lake mazuŵa ghose, ndi mazu gho wangulanguliya nthanga chikwi chimoza.

2 Mikoka 6:14

Ndi wanguti, “Ambuya Chiuta waku Yisraele, kulivi Chiuta wakulingana ndi imwe, mu machanya pamwenga pano pasi, wakusunga phanganu ndi kulongo lisungu ku ŵateŵeti ŵinu wo ŵatenda paurongo pinu ndi mitima yawo yose;

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

Nehemiya 9:32

“Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Sumu 103:18

kwaku wo ŵasunga phanganu lawo, wo ŵakumbuka kuchita marangu ghawo ghose.

Sumu 105:8

Wakasunganga dangu lake muyaya, mapanganu ghake ku migonezi chikwi (1,000).

Sumu 119:75

Ndiziŵa Ambuya, kuti vyeruzgu vinu vyakurunjika, mungundilanga chifukwa mwe amagomekezgeka.

Sumu 146:6

Yo wangwata kuchanya, ndi charu chapasi, nyanja, ndi vyose vyo virimo, wakusunga chigomezgu nyengo yose swi;

Sumu 36:6

Urunji winu we nge ndi mapiri ghaku Chiuta, vyeruzgu vinu nge ndi ndimba yitali ukongwa; munthu ndi nyama mutaska, Ambuya.

Chituwa 20:6

kweni nde wakuchitiya lisungu ku vikwi vya ŵanthu wo ŵatindanja ndi ŵasunga marangu ghangu.

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Yeremiya 32:18

Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,

Chitenje 3:23

ngafya mlenji we wose; ukongolekwa winu ngukuru mbwenu.

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

Maŵerengedu 14:18

‘Ambuya mbakukunthiyapo ndi alisungu likuru, akugowoke kwananga ndi maphuru, kweni kuti akamlekanga waka cha pa nthowa ye yose wa mrandu, ndiwo ŵakulanga ŵana chifukwa cha kwananga kwa auskeu, mpaka ku migonezi wa chitatu ndi wa chinayi.’

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

1 ŴaKorinte 1:9

Ngwamagomekezgeka Chiuta, mwaku mweniyo mungudanikiya ku wanase wa Mwana wake Yesu Kristu Ambuyafwe.

1 ŴaKorinte 10:3

ndipo wose ŵangurgha chakurgha cha Mzimu waku Chiuta unguŵapaska;

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

2 ŴaKorinte 1:18

Kweni ngwamagomekezgeka Chiuta, viyo kuti mazu ghidu kwaku imwe kuti ngakuti Inya! ndi Awa! cha.

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Marangu 4:35

Chingukambika kwaku imwe kuti Ambuya ndi Chiuta yija palivi munyake.

Marangu 4:39

Viyo ziŵani zuŵa lino ndi kughanaghana mu mitima yinu, kuti Ambuya ndiwo Chiuta mu machanya ndimu charu chapasi, kulivi munyake.

Marangu 5:10

nde wakuchitiya lisungu ku vikwi vyaku ŵeniwo ŵatindanja ndi wo ŵasunga marangu ghangu.

1 ŴaTesalonika 5:24

Ngwamagomekezgeka yo wakumdanani, mweniyo so wakachichitanga.

2 ŴaTesalonika 3:3

Kweni Mbuya ngwamagomekezgeka, mweniyo wamkukukhozgani, ndi wamkukusungani ku mheni yo.

2 Timote 2:13

asani tiura kuvwana, wajaririya iyo wamagomekezgeka; chifukwa kuti waziŵa cha kujikana mweneko.

Tito 1:2

mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

ŴaHebere 10:23

tikoreske chizomerezga chambura kupetere cha chigomekezgu; chifukwa ngwamagomekezgeka yo wangupangana:

ŴaHebere 11:11

Ndi chivwanu Sara iyo nayo wanguronde nthazi yakuzuukiya mbeu pavuli pa nyengo ya uŵisi, pakuti wangumpima wamagomekezgeka mweniyo wangupangana;

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

Ŵeruzgi 2:1

Sono mungelo wa Ambuya wangukwera kutuwa ku Gilgala kuya ku Bokimu. Ndipo wanguti, “Ndingumutoni mu Egipiti, ndinguza namwe mu charu ichi, cho ndingurapiya kupaska ku auskemwe. Ndinguti kuti ndikaswanga cha phanganu langu ndi imwe,

Ŵeruzgi 5:31

“Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.