Marangu 7:2 - Tonga Bible 1986

² Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

Marangu 7:2 ပူးပေါင်းရင်းမြစ်များ

Chiyambo 14:20

ndi watumbikike Chiuta Wapachanya Limu mweniyo wapereka ŵarwani ŵako mu janja lako.” Ndipo Abramu wangupaska iyo cha chichumi cha mu vinthu vyose.

2 Samuele 21:2

Viyo karonga wangudana ŵaGibeoni; ŵaGibeoni kuti ŵenga khamu la ŵaYisraele cha, kweni ŵakusiyika ŵaAmori, nanga ŵa khamu laku Yisraele ŵanguŵarapiya kuŵasiya ŵamoyo, kweni Sauli mwaphamphu lake wanguŵabaya pa ŵaYisraele ndi ŵaYuda.

1 ŴaKaronga 20:34

Benehadadi wangunena nayo, “Misumba yo ada ŵangukwamphuwa ku auskemwe ndikawezganga mu Samaria.” Ndipo Ahabu wanguti, “Pa mapanganu yagha ndikakuzomerezganga kuti urutenge.” Viyo wanguchita nayo phanganu ndipo wangumuzomerezga kuruta.

Ezra 10:3

Viyo sono tiyeni tichite phanganu ndi Chiuta widu, kureka ŵanthukazi wose ndi wo ŵapapika mwawo, kulingana ndi fundu ya mbuya wangu, ndi yaku wose wo ŵatenthema pa dangu laku Chiuta widu, ndipo tichite kuyana ndi dangu.

Sumu 106:34

Kuti wangupasuwa mafuku gha ŵanthu cha, nge ndimo Ambuya anguŵalanguliya,

Chituwa 22:20

“We yose wakupereka chisopo kwaku chiuta we yose, kwambura nge nkhu Ambuya, wakaphwanyikanga kwambura kujako.

Maŵerengedu 21:2

Ndipo Yisraele wangurapa rapu ku Ambuya, wanguti, “Asani nadi mukaŵaperekanga ŵanthu yaŵa mu janja langu, ndikapasuwanga mizi yawo yose teteti.”

Maŵerengedu 31:17

Viyo sono, bayani munthurumi we yose mu malitema gho, ndipo bayani munthukazi we yose yo waziŵa munthurumi pa kula nayo.

Maŵerengedu 33:52

mukadikiskanga wose ŵakuja mu charu paurongo pinu, ndipo muphwanye vikozgo vyawo vyose vyakuchongeka mu mya, mubwanganduwe ŵangoza ŵawo wose ŵakuchita kusongono, ndi kuwiskiya pasi malo ghawo ghose gha pachanya;

Marangu 13:8

mungamuzomerezganga pamwenga kumuvwiya cha. Chingana ndi jiso linu lingamufwiya lisungu cha. Pamwenga kumureka pamwenga kumubisa;

Marangu 13:9

kweni mumubaye. Janja linu ndilo lidankhe kumikana nayo kumubaya ndipo pavuli, manja gha ŵanthu wose.

Marangu 19:13

Jiso linu lingamufwiyanga lisungu cha, kweni mupeyenge kulakwa kwa ndopa zambura kalema mu Yisraele, alinga kuti kumuŵiyeni kwamampha imwe.

Marangu 2:33

Ndipo Ambuya Chiuta widu wangumupereka kwaku ifwe, ndipo tingumukoso pamoza ndi ŵana ŵake ŵanthurumi ndi ŵanthu ŵake wose.

Marangu 2:34

Tinguto mizi yake yose yiya, ndi tinguparghang'a ŵanthurumi, ŵanthukazi ndi ŵana mu mizi yose: tengavi kusiyapo yumoza.

Marangu 23:14

Chifukwa Ambuya Chiuta winu watenda mukati mu ugoŵi winu kumutaskani ndi kupereka ŵakupindikana ŵinu paurongo pinu, chifukwa cho ugoŵi winu utenere kuŵa wakupaturika, kuti wareke kuwona ke kose kawuyu mukati mwinu, vinu wangatuwako kwinu.

Marangu 25:12

sono mukadumuwanga janja la munthukazi yo. Mungachitanga lisungu cha.

Marangu 3:3

Viyo Ambuya Chiuta widu wangupereka so Ogi karonga waku Bashani ndi ŵanthu ŵake wose mu manja ghidu, tinguŵabaya wose, pengavi yumoza wakujapo waku iwo.

Marangu 31:5

Ndipo Ambuya akaŵaperekanga kwaku imwe, ndipo imwe mwazakuŵachitiya kwakuyana ndi dangu lose lo ndikulanguliyani.

Marangu 33:27

Chiuta wa muyaya ndiyo malo ghako ghakujamo, ndipo kusi kwe manja ghake gha muyaya. Ndipo wadikiska ŵakupindikana ŵinu paurongo pinu, ndipo watiti, ‘Parghang'a’.

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Marangu 9:3

Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.

Yoswa 10:28

Pa zuŵa liya Yoswa wanguthereska Makeda, wanguwukoso ndi karonga wake ndi lipanga; wangumariya limu munthu yose wamwenimo, wengavi kusiyako kanthu; mo wanguchitiya ndi karonga waku Yeriko ndimo wanguchitiya ndi karonga ŵaku Makeda.

Yoswa 10:30

ndipo Ambuya anguwupereka uwu nawo ndi karonga wake mu janja laku Yisraele; wanguwukoso ndi lipanga, wangubaya munthu yose wakuŵamo; wengavi kusiyako kanthu; ndipo wanguchita ku karonga wake nge ndimo wanguchitiya ndi karonga waku Yeriko.

Yoswa 10:32

Ambuya angupereka Lakishi mu janja la Yisraele, ŵanguwuthereska pa zuŵa la chiŵi, kuwukoso ndi lipanga, ndi kubaya munthu yose, nge ndimo ŵanguchitiya ku Libina.

Yoswa 10:40

Viyo Yoswa wanguthereska charu chose, charu cha mitunthu ndi cha kumwela ndi charu cha chidika ndi vinkhwawu, ndi ŵakaronga ŵawo wose; wangubaya chamoyo chose, kwambura kusiyako kanthu, uli ndimo Ambuya Chiuta waku Yisraele wangulanguliya.

Yoswa 10:42

Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Yoswa 2:14

Ndipo ŵanthurumi wo ŵangunena nayo, “Umoyo widu utaska umoyo winu! Asani urekenge kusumuwa vyo tachita, po ndipo nafwe Ambuya ŵatakuti ŵatipaska charu ichi, tikakuchitiyanga wezi ndi ukongorekwa.”

Yoswa 21:44

Ndipo Ambuya anguŵapumuzga kosekose nge ndimo angurapiya ku auskeu; pengavi nanga njumoza wa ŵarwani ŵawo yo wangumikana nawo, pakuti Ambuya angupereka ŵakupindikana ŵawo wose mu manja ghawo.

Yoswa 8:24

ŴaYisraele ŵangumara kubaya wose ŵakuja mu Ai ndi ku bozwa ko ŵanguŵandondoloska, wose ŵangufwa kwambura nanga njumoza wakutaskika, pavuli ŵaYisraele wose ŵanguwere ku Ai, ndipo ŵangumara kubaya wose ndi lipanga.

Yoswa 9:24

Iwo pakwamuka Yoswa ŵanguti, “Chifukwa ifwe taŵateŵeti ŵinu tikuziŵiskika mu uneneska wose kuti Ambuya Chiuta winu wakulanguliya mteŵeti wake Mosese kumupaskani charu ichi chose, ndi kubwanganduwa wose ŵakuja mu charu paurongo pinu, viyo tingopa ukongwa kuti tifwe chifukwa chinu, sono tinguchita chinthu ichi.

Yoswa 9:7

Kweni ŵaYisraele ŵanguti ku ŵaHivi, “Vinu kokuli imwe muja mukati mwidu, ipo tingachita namwi uli phanganu?”

Ŵeruzgi 1:24

Ndipo skoli zo zinguwona munthu wachituwa mu msumba, ndipo ŵanguti kwaku iyo, “Tiromba, utirongo nthowa yo yisere mu msumba, ndipo iwe tikakuchitiyanga wezi.”

Ŵeruzgi 1:4

Sono Yuda wangukwera ndipo Ambuya angupereka ŵaKanani ndi ŵaPerezi mu manja ghawo; ndipo ŵanguthereska vikwi chumi vyaku wo pa Bezeki (10,000).

Ŵeruzgi 2:2

ndi kuti imwe mungachitanga phanganu cha ndi ŵakuja mu charu ichi; mubwanganduliyenge pasi viguŵa vyawo vya sembe, kweni mulivi kuvwiya dangu langu. Nchine ichi mwachita?