Marangu 5:9 - Tonga Bible 1986

⁹ Ungavilambiyanga chingana nkhuvitataliya, chifukwa ine, Ambuya Chiuta wako, nde Chiuta wa sanji, wakusiskiya uheni wa auskeu pa ŵana mpaka mgonezi wa chitatu ndi wachinayi wakuŵeniwo ŵatinditinkha,

Marangu 5:9 ပူးပေါင်းရင်းမြစ်များ

2 ŴaKaronga 17:35

Ambuya anguchita nawo phanganu, anguŵalanguliya kuti, “Kuti mopenge ŵachiuta ŵanyake cha kuŵalambiya iwo pamwenga kuŵateŵete pamwenga kuŵachitiya sembe,

Chituwa 34:14

(pakuti kuti mukasopanga so chiuta munyake cha, pakuti Ambuya, Yo zina lake ndi Sanje, ndi Chiuta wa sanje),

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Yeremiya 32:18

Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,

Maŵerengedu 14:18

‘Ambuya mbakukunthiyapo ndi alisungu likuru, akugowoke kwananga ndi maphuru, kweni kuti akamlekanga waka cha pa nthowa ye yose wa mrandu, ndiwo ŵakulanga ŵana chifukwa cha kwananga kwa auskeu, mpaka ku migonezi wa chitatu ndi wa chinayi.’

Marangu 4:16

muchenje vinu mangachimwa pakujichitiya chikozgu chakusema mukawonekedu ke kose. Pamwenga mu chikozgu cha munthurumi, pamwenga munthukazi;

Marangu 4:24

Chifukwa Ambuya Chiuta winu ndi wakunyeka, Chiuta wa sanji.

Marangu 6:15

vinu ukari wa Ambuya Chiuta winu ungakole kumikana namwe, ndi kumumarani kumutuzgani pa charu, pakuti Ambuya chiuta widu, yo we mukati mwinu, ndi Chiuta wasanji.

Marangu 7:10

Ndi kuŵawezge thayu pa maso pawo ŵeniwo ŵatimutinkha, pakuŵaparghang'a, kuti wakazuwulikanga cha ndiyo watimutinkha, wakamuwezgiyanga thayu pa maso pake.