Marangu 3:3 - Tonga Bible 1986

³ Viyo Ambuya Chiuta widu wangupereka so Ogi karonga waku Bashani ndi ŵanthu ŵake wose mu manja ghidu, tinguŵabaya wose, pengavi yumoza wakujapo waku iwo.

Marangu 3:3 ပူးပေါင်းရင်းမြစ်များ

Sumu 136:20

ndi Ogo, karonga wa Bashani; chifukwa nchamuyaya chifundu chake;

Maŵerengedu 21:35

Viyo ŵangumubaya iyo, ŵana ŵake, ndi ŵanthu ŵake wose, pengavi nanga njumoza wakusiyika; ndipo ŵangupoka charu chake.

Marangu 29:6

Mulivi kurgha chiŵande ndi kumwa vinyo pamwenga vyakuloŵereska mwakuti muziŵe kuti ndine Ambuya Chiuta winu.

Marangu 3:2

Kweni Ambuya anguti kwaku ine, ‘Mureke kumopa, pakuti ndimuperekenge iyo ndi ŵanthu ŵake wose ndi charu chake, mu janja lako, ndipo uchite kwakulingana nge ndimo unguchitiya ndi Sihono fumu ya ŵaAmori, yo yajanga ku Heshiboni.’

Marangu 3:4

Ndipo tinguto misumba yake yose nyengo yiya, pengavi msumba wo tengavi kuronda kwaku iwo. Tinguto misumba machumi ghankhonde ndi limoza (60), ndi chigaŵa chose cha Aragobo ufumu waku Ogi karonga waku Bashani.

Marangu 4:47

Wanguronda charu chake ndi charu chaku Ogi, karonga waku Bashani, mafumu ghaŵi gha ŵaAmori gho ghajanga ku vuma ku sirgha lino la Yordane,

Yoswa 13:12

ufumu wose waku Ogi muBashani, yo wausanga mu Ashitaroto ndi mu Edrei (ndiwo pe ŵangujapo ŵa ŵaRefaimi); yaŵa Mosese wanguŵathereska ndi kuŵadikiskamo.

Yoswa 13:30

Chigaŵa chawo chenga kutuwa ku Mahanaimi, kuporota Bachani yose, ufumu wose waku Ogi karonga waku Bashani, ndi misumba yose ya Jairi, yo ye mu Bashani, misumba machumi ghankhonde ndi limoza,