Marangu 27:7 - Tonga Bible 1986

⁷ Mwamupereka mipasku ya chimangu, ndipo mwamukurgha penipa; ndipo mwamukondwere paurongo pa Ambuya Chiuta winu.

Marangu 27:7 ပူးပေါင်းရင်းမြစ်များ

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Yesaya 12:3

Mukaneghanga maji ndi likondwa kutuwa mu visima vya utaski.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Habakuku 3:18

ndipuuli ndikondwenge mu Ambuya, ndi kusekere mwaku Chiuta, mtaski wangu.

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 16:14

Mutenere kukondwa pakurgha dghera linu, imwe ndi mwana winu munthurumi ndi mwana winu munthukazi, wanchitu winu munthurumi, ndi wanchitu winu munthukazi, muLevi mlendo, wambura awiske, ndi choko wo ŵemu mizi yinu.

Marangu 27:6

Mwamumanga jochero ku Ambuya Chiuta winu la mya yambura kusema ndipo mwamupereka mipasku yakocha paku lo ku Ambuya Chiuta winu.

Marangu 27:8

Ndipo mwa­mulembapo pa mya yo mazu ghose gha dangu ili khwerukhweru.”

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

ŴaKolose 1:20

ndipo kuti mwaku iyo wasopaniskiye vyose kwaku yija, wati wachitiya chimangu mu ndopa za mphinjika yake; ndititi, kwachisopaniskiya mwaku iyo pamwenga vyo vyapa charu, pamwenga vyo vya kuchanya.