Marangu 27:2 - Tonga Bible 1986

² Ndipo pa zuŵa lenilo mwamkwambukiya Yordane kuya ku charu cho Ambuya Chiuta winu watukupaskani, mwamumika mya yikuru, ndi kuyimata ndi dongu.

Marangu 27:2 ပူးပေါင်းရင်းမြစ်များ

Jobu 19:24

Owe! Mphanyi ghangulembeka ndi chakulembe cha chisulo pa jarawi muyaya!

Ezekiele 11:19

Ndiŵapaskenge mtima umoza, mukati mwawo ndiŵikenge mzimu ufya; ndituzgengemo mtima wa mwa mu liŵavu lawo ndi kuŵapaska mtima wa munofu,

Ezekiele 36:26

Ndikupaskeninga mtima ufya, ndipo mzimu ufya ndiŵikenge mukati mwinu, ndituzgenge muliŵavu linu mtima wa mwa ndikumupaskani mtima wamnofu.

Marangu 11:31

Pakuti mwambukenge Yordane kusere ndi kuronda charu cho Ambuya Chiuta winu watumupaskani kwachichironda kuŵa chinu, ndi kuja mwenimo. Po mwachironda ndi kujamo

Marangu 26:1

“Muchisere mu charu cho Ambuya Chiuta winu watukupaskani kuŵa chihara, ndipo po mwachito ndi kuja mwenimo,

Marangu 27:1

Sono Mosese ndi ŵara ŵa ŵaYisraele ŵangulanguliya ŵanthu kuti, “Sungani marangu ghose gho nditukulanguliyani msana wale.

Marangu 27:3

Ndipo mwamulembapo paku yo mazu ghose gha dangu lo, muchambuka pakusere charu cho Ambuya Chiuta winu watukupaskani, charu cho chakutaŵala mkaka ndi uchi, uli ndimo Ambuya Chiuta wa auskemwe wakupangirana namwe.

Marangu 27:4

Ndipo mutakuti mwambuka Yordane, mukamikanga mya iyi yo nditumulanguliyani msana wale, pa phiri Ebala, ndipo mukayimatanga ndi dongu.

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Marangu 9:1

“Vwani ŵaYisraele, zuŵa lino mukambukanga Yordane kwa chisere ndi kwachironda mitundu yikuru ndi yanthazi kuruska imwe, msumba yikuru ndi malinga ghatali kufika kuchanya,

Yoswa 1:11

“Porotani mu ugoŵi, ŵaneniyeni ŵanthu wo, kuti ‘Jirongosoliyeni kamba, chifukwa mukati mu mazuŵa ghatatu mukambukanga Yordane uyu, kwachisere, kwachironda-ronda charu cho Ambuya Chiuta winu wamupaskani kuchironda.’ ”

Yoswa 4:1

Linguti lambuka khamu lo lose, Ambuya angunena ndi Yoswa,

Yoswa 8:30

Sono Yoswa wanguzenga jochero pa phiri Abala kuzenge Ambuya, Chiuta waku Yisraele,

Yoswa 8:31

nge ndimo Mosese mteŵeti wa Ambuya wangulanguliya ŵaYisraele, mo ghakulembeke mu buku la marangu ghaku Mosese, “Jochero la mya yambura kusema, yeniyo munthu nanga njumoza kuti wayisemapo ndi chisulo cha”; ndipo ŵanguperekapo mipasku yakocha ku Ambuya, ndi kuperekapo sembe za chimangu.

Yoswa 8:32

Ndipo penipa, paurongo pa ŵaYisraele Yoswa wangulemba pa mya marangu ghaku Mosese ghenigho wangulemba.