Marangu 17:3 - Tonga Bible 1986

³ pakuteŵete ŵachiuta ŵanyake ndi kuŵasopa, pamwenga kusopa dazi, pamwenga mwezi, pamwenga che chose cha maliŵanja gha kuchanya, cho ndakanizga.

Marangu 17:3 ပူးပေါင်းရင်းမြစ်များ

Chiyambo 2:1

Viyo machanya ndi charu chapasi vingumara, ndi maŵanja ghawo ghose.

2 ŴaKaronga 21:3

Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

Chituwa 22:20

“We yose wakupereka chisopo kwaku chiuta we yose, kwambura nge nkhu Ambuya, wakaphwanyikanga kwambura kujako.

Yeremiya 19:5

ndipo ŵazenga malo gha pachanya ghaku Bala, kochiyapo ŵana ŵawo mu moto nge ndi mpasku wakocha kwaku Bala, ine ndengavi kulangula pamwenga kukamba viyo ndipo kuti ndingughanaghana viyo cha.

Yeremiya 32:35

Ŵakuzenga vitanthali vyaku Bala mu dambo la mwana waku Hinomu, kwachipereka ŵana ŵawo ŵanthurumi ndi ŵanthukazi kwaku Moleke po ine ndengavi kuŵalanguliya, nanga nkhughanaghana kuti ŵachitenge ukazuzi uwu, kumulakwiska Yuda.

Yeremiya 7:31

Ndipo ŵazenga malo gha pachanya pa Tofeti, gho ghe mu dambo la mwana waku Hinomu, kwachocha ŵana ŵawo ŵanthurumi ndi ŵana ŵawo ŵanthukazi mu moto; chinthu cho ndengavi kuchitamula, chingana nkhuti chenga mu maghanughanu ghangu nako cha.

Yeremiya 8:2

ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Ezekiele 8:16

Ndipo wangunditore mu luluwa la mukati la nyumba ya Ambuya; awonani, pakhomo pa kasopi wa Ambuya, pakati pa khonde lake ndi jochero, penga akhumba ŵanthu machumi ghaŵi ndi ŵankhonde, ŵangurazga misana yawo ku kasopi wa Ambuya, visku vyawo vingurazga kuchiri ku vuma, ŵasopanga lumwi ku kutuliya kwake.

Marangu 11:16

Chenjeni, vinu mtima winu unganyengeka, ndipo mungang'anamuka ndi kuteŵete ŵachiuta ŵanyake ndi kuŵasopa

Marangu 17:4

Ghaneneka kwaku imwe ndipo mwavwa makani gho viyo mukafumbiriyanga kwalwana. Ndipo asani nchakuneneska kuti chinthu cha ukazuzi waviyo chachitika mu Yisraele,

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Yoswa 23:16

asani mukarengeskanga phanganu la Ambuya Chiuta winu, lo wangukulanguliyani, kuruta ndi kuteŵete achiuta ŵanyake ndi kuŵajikamiya wo, penipo ndipo ukari wa Ambuya ukakolenga paku imwe, ndipo mukafwanga ruŵi mu charu chamampha ichi cho wakupaskani.”