Marangu 10:2 - Tonga Bible 1986

² Ndipo ndirembenge pa mya ya vipapate mazu gho ghenga pa mya yakudanga yo unguswa, ndipo uyoŵikenge mu bokosi?’

Marangu 10:2 ပူးပေါင်းရင်းမြစ်များ

1 ŴaKaronga 8:9

Mubokosi la phanganu mwengayi kanthu kweni magome ghaŵi gha mya gho wanguŵikamo Mosese pa Horebi, pa malo ghenigho Ambuya anguchita phanganu ndi khamu laku Yisraele, ŵanguti ŵatuwa mu charu cha Egipiti.

ŴaHebere 9:4

chakuŵa ndi chisoperu cha golide chachema, ndi bokosi lo la chipanganu lakumatika kosekose ndi golide, mwaku lenilo mwenga msuku wa golide mwaku wo mwengamana, ndi ndodo yo yaku Aroni yo yatundanga, ndi viŵaraŵaja vyo vya chipanganu;

Marangu 10:5

Ndipo ndingung'anamuka ndi kusika mu phiri ndi kuŵika mya ya vipapate yo ndingupanga mu bokosi, ndipo ye mwenimo kwakuyana nge ndimo Ambuya angundilanguliya.”

Marangu 4:13

Ndipo anguvumuliya kwaku imwe phanganu lawo, lenilo angukuneniyani kuti mulichite, ndilo marangu chumi, ndigho angugharemba pa mya yiŵi ya vipapate.

Chituwa 40:20

Ndipo wanguto mya ya ukaboni ndi kuyiŵika mu bokosi, ndi wanguŵikapo vyakupingiya bokosi ndi wangumika chitengo cha lisungu pachanya pa bokosi;

Chituwa 34:1

Ambuya anguti kwaku Mosese, “Useme vipapati viŵi vya mya vyakuyana ndi vyakudanga viya; ndipo ndikalembangapo pa vipapati mazu gho ghenga pa vipapati viya unguswa.

2 Mikoka 5:10

Mwengavi kanthu mu bokosi kweni mya yiŵi ya vipapati yo Mosese wanguŵika ku Horebu penipo Ambuya angupangana phanganu ndi ŵaYisraele ŵachituwa ku Egipiti.

Chituwa 32:19

Ndipo wanguti waŵandika ku ugoŵi ndi wanguwona thole la ng'ombe, ndi kuvina, ukari waku Mosese ungukole kwakocha, ndi wangupong'a magome kutuwa mu manja ghake ndi wangughaswiya pa sina pa phiri lo.