Malaki 3:2 - Tonga Bible 1986

² Kweni ndiyani yo wangazizipizga zuŵa lake lakuziya, ndipo ndiyani wangama pa wawoneka? “Chifukwa wenge ndi moto wa wakwenga, ndi nge ndi sopo wa wakuchapa;

Malaki 3:2 ပူးပေါင်းရင်းမြစ်များ

Chiyambo 19:28

Ndipo wangulereska pasi kuratana ndi Sodomu ndi Gomora ndi kuratana ndi charu chose cha dambo lo, ndipo awonani, ehe, usi ku charu cho ungukwere kuchanya ulaka ndi usi wa ng'anjo.

Jobu 28:1

“Nadi ulipo mgodi wa siliva, ndi malo gha golide mweniyo ŵayengetuwa.

Sumu 130:3

Asani imwe mwasunganga mauheni ghidu, mphanyi ndiyani yo watinge wamenge Ambuya?

Sumu 2:7

Ndikambenge vya langulu la Ambuya: Angundinene, “Ndiwe mwana wangu, msana wale ndakubara iwe.

Sumu 76:7

Kweni ŵanthu ŵatopa imwe! Njani yo wangaziŵa kuma pa maso pinu asani mwatundiya?

Nthanthi 25:4

Tuzgako chifuvya ku siliva, ndipo wakusula wakaŵanga ndivisulu vya ngaraŵa;

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Yesaya 33:14

Ŵakulakwa mu Zioni ŵatopa; kunjenjeme kwakunga ŵambura uchiuta: “Njani mukati mwidu yo wangaja pamoza ndi moto wakocha? Njani mukati mwidu yo wangaja pamoza ndi kunyeka kwa muyaya?”

Yesaya 4:4

penipo Ambuya asuka lisiru la ŵanthu ŵaku Zioni ndi kutozga mudonthu wa ndopa za Yerusalemu kutuwa mukati mwake ndi mzimu wa cheruzgu ndi mzimu wakocha.

Yeremiya 2:22

Chingana musambi viŵi ndi soda ndi kusamba ndi sopo munandi, kachibati ka kulakwa kwinu keche paurongo pangu, atiti Ambuya Chiuta.

Ezekiele 22:14

Kumbi chiganga chawo chikarutiliyanga, pamwenga manja ghako kuŵa ghanthazi, mu mazuŵa gho ndikachitanga nawe? Ine Ambuya ndarongoro, ndipo ndikachichitanga.

Danyele 11:35

Ndipo ŵanyake ŵaku wo ŵazeru ŵakawanga, mwakuti ŵapepeteke ndi ŵaphotoleke, ndi ŵatuŵiskike kufika ku nyengo yaku umari, chifukwa yeche ŵaka nyengo yakutemeka.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Mateyu 25:10

Ndipo zichiruta kwachigula, wanguza mweni-nthengwa yo; ndipo zakurongosoleka zingusere pamoza nayo ku zowara, ndipo chingujarika chisasa.

Marko 9:3

Ndipo minjirira yake yaŵanga yakung'anima, yakutowa ukongwa; uli ndimo mtozgi-saru panupasi kuti wangaziŵa kuyitozga viyo cha.

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Luka 3:17

chipepeteru chaku mweniyo che mu janja lake, wapepeteskenge mbuli wake, ndi warongenge trigu mu nkhonkwe yake; kweni mwere wochenge ndi moto wambura mazimwika.”

Luka 3:9

Ndipo sono naku mbavi yijikika ku nkhorozu ya miti: viyo muti wose wambura kupasa chipasi cheneko utemeka, ndi mu moto upong'eka.”

Luka 7:23

Ndipo ngwamwaŵi yose yo walive kuguŵiskika mwaku ine.”

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

Chivumbuzi 19:8

Ndipo wanguzomerezgeka iyo kuti wavwarikike bafuta, wakuŵala ndi wakutowa”: chifukwa bafuta wakutowa yo ndi machitidu ghaurunji gha ŵakupaturika.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

Chivumbuzi 6:17

chifukwa laza zuŵa likuru la kandundu kawo; ndipo njani waziŵa kulimiya?”

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.

1 Samuele 6:20

ŵanthu ŵaku Beteshemeshe ŵanguti, “Njani waziŵa kuma paurongo pa Ambuya, Chiuta mtuŵa uyu? Ndipo wakakweriyanga kwaku yani kutuwako kwidu?”