Malaki 3:14 - Tonga Bible 1986

¹⁴ Mwakati, ‘Nchaŵaka kuteŵete Chiuta. Kumbi umampha ngune kuti tisungi marangu ghake, pamwenga ŵakwenda nge tiliya pa maso pa Ambuya ŵa maŵanja?

Malaki 3:14 ပူးပေါင်းရင်းမြစ်များ

Jobu 22:17

Ŵanguti kwaku Chiuta, ‘Patukako kwaku ifwe,’ ndipo so, ‘Kumbi Wanthazizose wangachitanji kwaku ifwe?’

Jobu 34:9

Chifukwa wanguti, ‘Kutanduliya munthu kanthu cha kuti wakondweriyenge mwaku Chiuta.’

Jobu 35:3

kuti mufumbi, ‘Kumbi nchanduwu uli cho nde nacho? Pakureka kwananga ndanduwa chine kuruska chanduwu cho ndatinge ndiŵi nacho asani ndingwananga?’

Yesaya 43:22

“Kweni kuti ungudana paku ine cha Yakobe we; inya wavuka nane, Yisraele we!

Yesaya 58:3

‘Chifukwa chine tafunga, ndipo iwe kuti utichiwona cha? Chifukwa chine tajorovya ndipo iwe kuti uziŵa ichi cha?’ Ehe, mu zuŵa lakufunga kwinu mupenja vyakumukondwereskani vyakumwija, ndipo muyuzga ŵa nchitu ŵinu wose.

Yeremiya 18:12

“Kweni iwo ŵatiti, ‘Palivi kanthu! Tikarondonga vyo tighanaghana taŵeni, ndipo we yose wakachitanga nge ndimo mtima wake uheni wangangamikiya.’

Yeremiya 2:25

Kanizga maphazi ghako kuŵa ghambura skapato ndi chigolomelo chinu chambura nyota cha. Kweni imwe munguti, ‘Palivi kakulindizga, pakuti ndanja ŵalendo, ndirutenge kuŵalondo.’

Yeremiya 44:18

Kweni po tingureka koche vyachema fumukazi ya kuchanya ndi kumpaska chisopo chakudira, vinthu vyose vyatisoŵa ndipo tamarika ndi lipanga ndi chilala.”

Hoseya 7:16

Ŵawere kwaku Bala; ŵakozgana ndi uta wakupusika, mafumu ghawo ghazamubayika ndi lipanga chifukwa cha nkhaza za lilimi lawo. Ichi ndicho chamukuŵa chilengesku chawo mu charu cha Egipiti.

Yoele 2:12

Ambuya atiti, “Chingana ndi sono, ng'anamukiyani kwangu ndi mtima winu wose, ndi kunguzga kurgha, ndi kuliya masozi, ndi kutenje;

Zefaniya 1:12

Pa nyengo yo ndipenjenge mu Yerusalemu ndi nyali; ndi ndirangenge ŵanthu wose wo ŵafwasa pa visika vyawo, wo mu mitima yawo ŵakamba kuti, ‘Ambuya achitenge chamampha cha, pamwenga kuchita chiheni!’

Malaki 3:13

“Mazu ghinu ghaŵa ghazitu kwaku ine, atiti Ambuya. Ndipuuli mutiti, ‘Taŵereŵeta uli kumikana ndi imwe?’

Yakobe 4:9

Suzgikani, ndi tenjeni, ndi liyani: kadara kinu kazgoke chitenje, ndi chimwemwe chinu ku chitima.