Malaki 3:11 - Tonga Bible 1986

¹¹ Nkachenyanga zombe chifukwa chaku imwe, kuti wareke kurgha ndi kumwa vipasi vya nyata yinu, ndipo mphereska zinu mu munda kuti zikatondekanga kupasa cha, atiti Ambuya ŵa maŵanja.

Malaki 3:11 ပူးပေါင်းရင်းမြစ်များ

Yeremiya 8:13

Penipo ndingwenere kuŵaunjika, atiti Ambuya, vipasi mulivi mu mphereska, nanga ndi nkhuyu mu mkuyu; chingana ndi mani ghamira, ndipo cho ndinguŵapaska chatuwako kwawo.”

Hoseya 2:21

Ndipo mu zuŵa liya, atiti Ambuya, nkhamukanga machanya ndi machanya ghamukenge charu chapasi.

Yoele 1:12

Mphereska zifota, mkuyu ufota. Muti wa zobara, kanchindwi, ndi masuku, miti ya mdondo yose yafota; ndi likondwa kulive ku ŵana ŵa ŵanthu.

Yoele 1:4

Cho chasiyika ndi chiungu, charghika ndi zombe. Cho chasiyika ndi zombe, charghika ndi ŵaphanana. Cho chasiyika ndi ŵaphanana, charghika ndi matondo.

Yoele 1:7

Wananga mphereska zangu, ndi kuswanuwa mikuyu yangu; wayikomo ndikularauwa makungwa ghake ndi kungapong'a pasi; mphanda zake zamira gwa.

Yoele 2:20

“Ndinderezgenge kutali ŵanthu ŵaku nkhonde kuŵadikiskiya ku charu cha chiparamba ndi chakupasuka; ŵakudanga ŵake ku nyanja yaku vuma, ŵakuvuli ku nyanja yaku zambwe; kununkha kwake ndi sungu lake vikwerenge; chifukwa wachita vinthu vikuru.

Yoele 2:22

Mungopanga mwa nyama za mu dondo, chifukwa chipozwa cha mu lisuwa chime; muti upasa vipasi vyake, mkuyu ndi mphereska vipasa ukongwa.

Yoele 2:25

Ndimuwezgiyeninge virimika vyo zombe wangurgha, ŵaphanana, matondo, ndi viwungu, nkhondo yangu yikuru yo ndingutuma mukati mwinu.

Amosi 4:9

“Nkhakulanganinga ndi kachamba ndi kodi-kodi; minda yinu ndi minda ya mphereska ndayisanduska masara; miti yinu ya mkuyu ndi miti yinu ya maolivi yarghika yose ndi zombe; ndipuuli kuti munguwere kwaku ine cha,” atiti Ambuya.

Habakuku 3:17

Chingana mkuyu ureke kubuska, pamwenga vipasi ku ulevi ku mphereska, maolivi gha tondeke kupasa, ndi minda yitondeke vyakurgha, mskambu umare mu khola, ndi ng'ombe muulevi mu khola,

Hagayi 1:11

Ndipo ndadana chilala pa charu ndi pa mapiri, pa trigu, ndi pa vinyo mufya, pa mafuta, paku cho chose charu chipasa, pa ŵanthu ndi pa ng'ombe, ndi pa nchitu zawo zose.”

Hagayi 2:17

Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Marangu 11:14

wapaskenge vuwa pa charu chinu, mu nyengo yake, vuwa yakwamba ndi vuwa ya umari, mwakuti muwunjike trigu winu ndi vinyo winu, ndi mafuta ghinu.