Malaki 3:10 - Tonga Bible 1986

¹⁰ Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Malaki 3:10 ပူးပေါင်းရင်းမြစ်များ

Chiyambo 28:22

Ndipo mwa uwu, weniwo ndamika kuŵa chichiri, ukaŵanga nyumba yaku Chiuta; ndi kwaku vyose vyenivyo mukandipaskanga ndikapaskanga cha chichumi kwinu.”

Chiyambo 7:11

Mu chirimika cha machumi pe chumi ghankhonde ndi limoza (600) cha umoyo waku Nowa, mu mwezi wa chiŵi, pa zuŵa la chumi ndi ghankhonde ndi ghaŵi (17) la mwezi wo, pa zuŵa liya visima vya ndimba zikuru vinguphulika, ndi madangazi gha machanya ghangujurika.

2 ŴaKaronga 7:19

Ndipo nduna yiya yingwamuka munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Ndipo iyo wanguti, “Ukachiwonanga ndi maso ghako kweni kuti ukarghangapo cha.”

2 ŴaKaronga 7:2

Sono nduna yira, yo karonga waŵakangapo mtima wake yingunena ndi munthu waku Chiuta, “Asani Ambuya iwo ŵeneko ŵangujura madangazi gha kuchanya, kumbi chingachitika ichi?” Iyo wanguti, “Iwe ukachiwonanga ndi maso ghako, kweni kuti ukarghangapo cha.”

1 Mikoka 26:20

Mu ŵaLevi, Ahija wanguŵa wakusunga vyuma vya nyumba yaku Chiuta, ndi vyuma vyawanangwa vyakupaturika.

Nehemiya 12:44

Pa zuŵa leniliya ŵanthurumi ŵangumikika kutufuliya vipinda vya kusungiyamo mipasku, vipasi vyakudanga, ndi vyachichumi, kuwunjikamo mwaku vyo phande lakutemeka ndi dangu, la vya ŵazukuru ndi vya ŵaLevi kwakuyana ndi minda yamu mizi; pakuti Yuda wangukondwere pa ŵazukuru ndi ŵaLevi wo ŵateŵetanga.

Nehemiya 12:47

Ndipo ŵaYisraele wose mu mazuŵa ghaku Zerubabele ndi mu mazuŵa ghaku Nehemiya ŵangupaska vigaŵa vya zuŵa vya ŵakumba ndi ŵasungi-malikomo; ndipo ŵangupaturiya pade payija vya ŵaLevi; ndipo ŵaLevi ŵangupaturiya pade payija vyo vyenga vya ŵana ŵaku Aroni.

Nehemiya 13:5

wangurongosole Tobiya chipinda chikuru mwenimo kale ŵaŵikangamo mipasku ya ufwa, vyachema, viyaŵi, ndi vya chichumi vya vyakurgha, vinyo, ndi mafuta, vyenivyo vingupaskika ndi langulu ku ŵaLevi, ŵakumba, ndi ŵasungi malikomo, ndi vyaulera vyakupaskikiya ŵazukuru.

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

Sumu 78:23

Sono wangulanguliya mitambo kuchanya ndipo makhomo ghangujurika;

Wakutaula 11:3

Asani mitambo yazaza vuwa, yitiyipunguliya pa charu; ndipo asani muti wawa ku malaŵi pamwenga ku nkhonde, pa malo po muti, wawiya, ndipo ukagonanga.

Ezekiele 34:26

Ndikazichitanga izo thumbiku pamoza ndi malo ghose ghakuzunguliya phiri langu; ndikatumanga vuwa mu nyengo yake; yikaŵanga vuwa yachitumbiku.

Ezekiele 44:30

Vipasi vyamruwuku vyamitundu yose, ndi mpasku we wose wamtundu wose wa mipasku yinu, vikaŵanga vya ŵazukuru; mukapaskanga ŵazukuru nthimphwa yinu yakudanga ya mugayiwa, mwakuti chitumbiku chijenge pa nyumba yinu.

Hoseya 2:21

Ndipo mu zuŵa liya, atiti Ambuya, nkhamukanga machanya ndi machanya ghamukenge charu chapasi.

Yoele 2:19

Ambuya angwamuka, ku ŵanthu ŵawo, kuti, “Wonani ndimtumiyeninge trigu, ndi vinyo, ndi mafuta, ndipo mugutenge; ndipo kuti nkhamulengeskaninga so cha mukati mu mitundu.

Yoele 2:24

“Mibuli yizazenge trugu, viyaŵi vifwapukenge ndi vinyo, ndi mafuta.

ŴaLevi 26:10

Mukarghanga vyakulonga vya kale, ndipo mukatuzgangamo vyakale kusiyiya malo vyakurgha vifya.

ŴaLevi 26:3

“Asani muvwenge malangulu ghangu ndi kuphwere marangu ghangu kughachita,

ŴaLevi 27:30

“Msonkho wose wa chichumi cha vyamu charu, manyi ngwa mbeu yamu minda, pamwenga wa vipasi vya miti, ngwa Ambuya; ngwakupaturika ku Ambuya.

Hagayi 2:19

Kumbi mbeu zichalimo mu nkhokwe? Kumbi mphereska, nkhuyu, zobala, ndi maolivi vyeche vindapasi? Kutuwa zuŵa ili mpaka kunthazi nkhamutumbikaninga.”

Maŵerengedu 18:21

“ŴaLevi ndaŵapaska nge nchihara chawo, chigaŵa chimoza cha vigaŵa chumi mwaku vyose vya ŵaYisraele, chifukwa cha uteŵete wo ŵatakataka, uteŵete wawo wamu hema lakuwunganamo.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Marangu 12:6

kweniko ndiku mukarutanga, ndipo kweniko ndiku muzenge ndi sembe yinu yakocha ndi sembe yinu yakubaya, ndi chigaŵa chinu chachichumi, mpasku wakuthamikiya, ndi mpasku wakupereka ndi marapu ghinu, ndi mpasku wakupereka, ndi ng'ombe zakudanga kupapika, ndi ŵana ŵakudanga kupapika ŵa mberere zinu.

Marangu 14:22

“Muperekenge chachichumi cha vipambi vya mbeu yinu vyenivyo vituwa mu munda, virimika vyose.

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Marangu 28:12

Ambuya akakujuriyaninga usambasi wawo wamampha mu machanya, kukupaskani vuwa pa charu chinu mu nyengo yake, ndi kutumbika nchitu yose ya manja ghinu. Ndipo mukateuliskanga mitundu yinandi, kweni imwe kuti mukateuwanga cha.