Malaki 2:8 - Tonga Bible 1986

⁸ “Kweni imwe mwatuwamo mu nthowa; mwalandizga ŵanandi ndi chisambizgu chinu, mwananga phanganu laku Levi, atiti Ambuya ŵa maŵanja,

Malaki 2:8 ပူးပေါင်းရင်းမြစ်များ

2 ŴaKaronga 16:11

Ndipo Uriya mzukuru wanguchita jochero, kwakuyana ndi vyose vyo karonga Ahazi wangutuma kutuliya ku Damasko, viyo Uriya wangulizenga karonga wenga wandafike kutuwa ku Damasko.

Nehemiya 13:29

Muŵakumbuke, Chiuta wangu, chifukwa ŵakazuzga uzukuru ndi phanganu la uzukuru ndi ŵaLevi.

Sumu 119:102

Kuti ndapatukako cha ku visimisimi vinu, pakuti ndimwe mukundisambizga.

Sumu 18:21

Pakuti ndasunga nthowa za Ambuya, ndipo kuti ndachita uheni kupambana ndi Chiuta wangu cha.

Nthanthi 12:8

Munthu warumbika kwakuyana ndi chinjeru chake chamampha, kweni mweniyo ngwa muwongo wakulandizga wasekeka.

Yesaya 30:11

rekani nthowa, patukaniko ku nthowa, tingavwanga so cha gha Mtuŵa Yumoza yo waku Yisraele.”

Yesaya 59:13

kutimbanizga, ndi kukana Ambuya, ndipo tituwako kukurondo Chiuta widu, tirongoro kuyuzga ndi chigaruka, tizuwuka utesi mu mitima, ndi kutuzga mazu gha kunyenga pa mlomo.

Yesaya 9:16

pakuti wo ŵarongozga yaŵa ŵanthu ŵati ŵapuruska, ndipo wo ŵarongozgeka ndi iwo ŵamezeka.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 17:5

Viyo atiti Ambuya: “Wakutembeka ndi munthu mweniyo wagomekezga mu munthu yo wasanduska liŵavu kuŵa nthazi yake, mweniyo mtima wake utuwako ku Ambuya.

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 2:8

Ŵazukuru ŵengavi kukamba, ‘Ambuya ŵepani?’ Ŵakuko dangu kuti ŵangundiziŵa cha ine; ŵakuwusa ŵangundichimwiya; ŵamchimi ŵanguchimiya paku Bala, ndipo ŵangundondoloska mu vinthu vyambura kwanduwa kanthu.

Ezekiele 22:26

Ŵazukuru ŵake ŵatimbanizga dangu langu ndipo ŵakazuzga vinthu vyangu vituŵa; kuti ŵarongo kupambana pakati pa vituŵa ndi vyabura utuŵa cha, nanga nkhuti ŵasambizge kupambana kwa vyambura kutozgeka ndi vyakutozgeka ndipo ŵayuyuwa masabata ghangu, mwakuti ndapepulika mukati mwawo.

Ezekiele 44:10

Kweni ŵaLevi, chingana ŵangundithaŵa ine po ŵaYisraele ŵangurandiya mu ŵangoza ŵawo ndipo ŵangunyamuwa kulangika kwa pa kwananga kwawo.

Ezekiele 44:12

Chifukwa ŵanguŵateŵete pa maso pa ŵangoza ŵawo, rekani ŵanguŵa chiguŵisku cha ulakwi ku nyumba yaku Yisraele, pa chifukwa ichi, atiti Ambuya Chiuta, ndarapiya paku iwo kuti ŵakanyamuwanga kulangika kwawo.

Ezekiele 44:7

pakuti mwazomerezga ŵalendo, ŵambura kuchinjika mu mtima ndi liŵavu, kusere mu malo ghangu ghatuŵa, kughafipiska, po mutindipaska kurgha kwangu, mafuta ndi ndopa. Mwaswa phanganu langu, mukusazgiyako ku maunyakazi ghinu ghose.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

ŴaLevi 21:15

mwakuti wareke kukazuzga ŵana ŵake mu ŵanthu ŵake; pakuti ndine Ambuya ndingumupatuwa.”

Zefaniya 3:4

Ŵamchimi ŵake mbanthu ŵakupusika; ŵambura magomekezgeka; ŵazukuru ŵake ŵafipiska malo ghatuŵa, ŵabendezga dangu.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Malaki 2:5

Phanganu langu ndi iyo; lenga phanganu la umoyo ndi chimangu, ndipo ndingumupaska ivi, mwakuti wawope, ndipo wangundopa, ndi wangunditenthema.

Maŵerengedu 25:12

Chifukwa chenichi kamba, ‘Awonani, ndapereka kwaku iyo phanganu la chimangu;

Maŵerengedu 25:13

ndipo likamuŵiyanga iyo ndi ku mphapu yake pavuli pake, phanganu la mzukuru wa muyaya, chifukwa wanguchitiya sanji Chiuta wake, ndi kuŵachitiya mphepeska ŵaYisraele.’ ”

ŴaRoma 14:21

Nkhwamampha kurgha nyama cha, chingana nkhuchita kanthu kose kwaku ko mbali wako waguŵa.

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

1 Samuele 2:17

Chifukwa ichi uheni wa ŵanyamata yaŵa wenga ukuru mu maso gha Ambuya, pakuti ŵangupereka sembe ya Ambuya munthowa yambura kwenere.

1 Samuele 2:24

Awa, mwa ŵana ŵangu; kuti njamampha cha mbiri yo ndituvwa yo ŵanthu ŵa Ambuya ŵawandiska kose.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.