Malaki 2:14 - Tonga Bible 1986

¹⁴ Mufumba kuti, “Warekiyanji?” Chifukwa Ambuya ŵenga ŵakaboni ŵa phanganu pakati pako ndi muwoli wa uhurwa wako, kwaku mweniyo kuti waŵa wamagomekezgeka cha, chingana ndi bwezi lako lakusungana nalo, ndiso muwoli wako wa phanganu.

Malaki 2:14 ပူးပေါင်းရင်းမြစ်များ

Chiyambo 2:18

Ndipo Ambuya Chiuta wanguti, “Kuti nkhwamampha cha kuti munthu yo waje yija; ndikamuchitiyanga wakumovya, wakulingana nayo.”

Chiyambo 31:50

Asani wamusuzga ŵana ŵangu, pamwenga wamutoliyapo ŵanthukazi ŵanyake pa ŵana ŵangu, chingana palivi munthu pamoza nafwe, kumbuka, Chiuta ndi kaboni pakati pako ndi ine.”

Nthanthi 2:17

mweniyo wareka bwezi la usungwana wake ndipo waluwa phanganu laku Chiuta wake;

Nthanthi 30:20

Iyi ndi nthowa ya munthukazi mureŵi: waturgha ndipo wapuputa pa mlomo wake, ndi watiti, “Ndilivi kuchitapo kanthu kaheni.”

Nthanthi 5:20

Chifukwa nchine, wa mwana wangu, chakukhorwe munthukazi muyaghayagha ndi kuvumbatiya chifuŵa cha wakunyenga?

Wakutaula 9:9

Kondwanga ndi umoyo pamoza ndi muwoli wako yo utanja, mazuŵa ghose, gha umoyo wako wawaka wo wakupaska pa charu, pakuti lenilo ndilo phande lemu umoyo ndi mu nchitu yako yo usuzgika nayo panu pasi.

Sumu ya Zisumu 1:15

Ehe, we wakutowa, wakwanjiwa wangu; awona, we wakutowa; maso ghako ghenge nga nkhunda.

Yesaya 54:6

Pakuti Ambuya akudana iwe nge ndi muwoli wakujoworeka ndi wakukara mu mtima, uli ndi muwoli wa munyamata asani wajoworeka, watiti Chiuta winu.

Yesaya 58:3

‘Chifukwa chine tafunga, ndipo iwe kuti utichiwona cha? Chifukwa chine tajorovya ndipo iwe kuti uziŵa ichi cha?’ Ehe, mu zuŵa lakufunga kwinu mupenja vyakumukondwereskani vyakumwija, ndipo muyuzga ŵa nchitu ŵinu wose.

Yeremiya 29:23

Chifukwa ŵachita chakupusa mu Yisraele, ŵachita ureŵi ndi ŵawoli ŵa ŵanasi ŵawo, ndipo ŵarongoro mu zina langu mazu gha utesi gho ndengavi kuŵalanguliya. Ine ndine ndiziŵa, ndipo nde kaboni, atiti Ambuya.’ ”

Yeremiya 42:5

Sono iwo ŵanguti kwaku Yeremiya, “Ambuya aŵe kaboni mumeneska ndi wamagomekezgeka paku ifwe asani tirekenge kuchita kwakuyana ndi mazu ghose gho Ambuya Chiuta wako watukutuma kwaku ifwe.

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Yeremiya 9:2

Owe, mphanyi ndinguŵa ndi msasa wa ŵalendo mu bozwa, mwakuti ndingasiya ŵanthu ŵangu ndi kuruta kutuwako kwaku wo! Pakuti wose mbareŵi, mpingu wa ŵanthu ŵa chiŵembo.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Mika 1:2

Vwani imwe mwa ŵanthu mose; tegherezga wa charu ndi vyose vyo vye mwenimo; rekani Ambuya Chiuta waŵenge kaboni wakususka imwe, Ambuya mu kasopi wawo wakupaturika.

Malaki 2:15

Kuti ndi Chiuta yumoza cha yo wakwata ndi kusungirizgiya ifwe mzimu wa umoyo? Ndipo nchine cho wakhumba? Mphapu yirunji. Viyo chenjeni, paulevi nanga njumoza waŵe wambura kugomekezgeka ku muwoli wa uhurwa wake.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

Ŵeruzgi 11:10

Ŵaraŵara ŵamu Gileada ŵanguti kwaku Jefta, “Ambuya akaŵanga kaboni pakati pidu; tikachitanga nge ndimo ukambiya.”

1 Samuele 12:5

Ndipo wanguŵamuka, “Ambuya ndi kaboni paku imwe, wakupakika wake ndi kaboni pa zuŵa linu, kuti imwe mulivi kusaniya kaheni mu janja langu.” Ŵanthu ŵanguti, “Mba kaboni.”