Malaki 1:9 - Tonga Bible 1986

⁹ “Ndipo sono ŵeyeriyani ulemu waku Chiuta mwakuti waŵe nafwe ndi lisungu. Kumbi walongonge lisungu kwaku we yose waku imwe yo wapereka cha wanangwa chaviyo? Atiti Ambuya ŵa maŵanja.

Malaki 1:9 ပူးပေါင်းရင်းမြစ်များ

2 Mikoka 30:27

Ndipo ŵazukuru ndi ŵaLevi ŵangusoka ndi ŵangutumbika ŵanthu, ndipo mazu ghawo ghanguvwika, ndi rumbo lawo lingukwere ku malo ghake ghakupaturika gha kuchanya.

Chituwa 32:11

Kweni Mosese wanguŵeyere Ambuya Chiuta wake, ndi wanguti, “Ambuya mwe, chifukwa chine ukari winu ukole ndi kocha pa ŵanthu ŵinu, wo mukutole kuno kutuwa mu charu cha Egipiti ndi nthazi yikuru ndi janja lakulimba?

Yeremiya 26:19

“Kumbi Hezekiya karonga waku Yuda ndi ŵaYuda wose angumubaya? Kuti ŵangopa Ambuya cha ndi wanguŵeyerere lisungu la Ambuya, ndipo kuti Ambuya angugowoka cha ku chiheni chenicho wangutauliya paku wo? Kweni ifwe tikhumba kujidaniya uheni ukuru paku taŵeni.”

Yeremiya 27:18

Asani iwo mbamchimi, ndipo asani mazu gha Ambuya ghemwaku iwo, rekani ŵaŵeyere Ambuya ŵa maŵanja, kut viyaŵi vyo vikujamo mu nyumba ya Ambuya, mu nyumba ya karonga waku Yuda, ndi mu Yerusalemu vireke kutoreke ku Babiloni.

Chitenje 2:19

Yuka bongonga ndi usiku, pakwamba kwa chitulu! Dira mtima wako uli ndi maji paurongo pa Ambuya! Soske kwawo manja ghako chifukwa cha maumoyo gha ŵana ŵako ŵeniwo ŵalakatuka chifukwa cha nja pa kwamba kwa gurwi yose.

Yoele 2:12

Ambuya atiti, “Chingana ndi sono, ng'anamukiyani kwangu ndi mtima winu wose, ndi kunguzga kurgha, ndi kuliya masozi, ndi kutenje;

Yoele 2:17

Pakati pakuserere ndi jochero ŵazukuru, ŵateŵeti ŵa Ambuya ŵaliye, ndi ŵanene kuti, “Ambuya, mungachitanga ŵanthu ŵinu kuŵa ŵakulengeskeka mukati mu mitundu. Chifukwa nchine cho ŵakaneniyanga mukati mu ŵanthu kuti, ‘Chiuta wawo wepani?’ ”

Amosi 5:22

Chingana mundipaska sembe zinu zakocha ndi sembe zinu za vyakurgha kuti ndizirondiyenge cha, ndi sembe zinu za chimangu za nyama zinu zakututuŵa kuti ndizilereskenge cha.

Yohane 9:31

Tiziŵa kuti Chiuta wareka kuvwa ŵalakwi; kweni asani yumoza ndi muwopa Chiuta, ndi wachita khumbo lake, watumuvwa mweniyo.

ŴaRoma 2:11

chifukwa kwaku Chiuta ulive urumba chisku.

1 Petro 1:17

Ndipo asani mumudana Dada mweniyo kwambura kurumba chisku ngwakweruzgiya uli ndi nchitu ya munthu yose, mu wofi jaririyani nyengo yo ya chitandara chinu: