Malaki 1:6 - Tonga Bible 1986

⁶ “Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Malaki 1:6 ပူးပေါင်းရင်းမြစ်များ

Sumu 123:2

Ehe, mo mteŵeti wathamiya mbuyake, mo mteŵeti munthukazi wathamiya mbuyake munthukazi, viyo ndimu nafwe tilereske kwinu, Ambuya Chiuta widu, mpaka penipo mwatichitiya wezi.

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Nthanthi 17:6

Ŵazuku nchisoti cha ŵakukota, ndi unkhankhu wa ŵana ŵanthurumi mbauskeu.

Nthanthi 30:11

Ŵalipo ŵeniwo ŵatemba auskeu, ndi kuti ŵatumbika ŵanyinawo cha.

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Yesaya 43:23

Mulivi kundiziya ndi mberere za visopo vya kocha, pamwenga kundipaska thumbiku ndi mipasku yinu. Ndilivi kukupingizgani ndi mipasku, pamwenga kumuvuskani ndi vyachema.

Yesaya 45:10

Soka kwaku yo wakamba ku wiske, ‘Cho upapa nchine?’ Pamwenga ku munthukazi, ‘Nchine cho uliya nacho?’ ”

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.

Yesaya 64:8

Kweni Ambuya mwe, imwe Auskefwe; te dongo ifwe, imwe mwe muwumbi widu; ndipo tose te nchitu ya janja linu.

Yeremiya 23:11

“Mchimi ndi mzukuru ŵaŵi viyo ŵakana Chiuta; chingana ndi mu nyumba yangu ndasaniya utimbanizi wawo, atiti Ambuya.

Yeremiya 3:4

Kumbi iwe ulivi kudana kwaku ine kuti, ‘Ada, mwenga bwezi langu penipo ndenga munyamata;

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Yeremiya 35:16

Ŵana ŵaku Yonadabu mwana waku Rekabu wakusunga dangu lenilo uskeu wanguŵapaska, kweni ŵanthu yaŵa ŵalivi kundivwiya ine.

Ezekiele 22:26

Ŵazukuru ŵake ŵatimbanizga dangu langu ndipo ŵakazuzga vinthu vyangu vituŵa; kuti ŵarongo kupambana pakati pa vituŵa ndi vyabura utuŵa cha, nanga nkhuti ŵasambizge kupambana kwa vyambura kutozgeka ndi vyakutozgeka ndipo ŵayuyuwa masabata ghangu, mwakuti ndapepulika mukati mwawo.

Hoseya 12:8

Efraimu wanguti, “Ehe, nde musambasi, ndajanduliya usambasi”; kweni usambasi wake wose kuti ungaziŵa cha kutozga uheni wo wachita.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Hoseya 5:1

Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

ŴaLevi 19:3

Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

Zefaniya 3:4

Ŵamchimi ŵake mbanthu ŵakupusika; ŵambura magomekezgeka; ŵazukuru ŵake ŵafipiska malo ghatuŵa, ŵabendezga dangu.

Malaki 2:1

“Ndipo sono, imwe mwa ŵazukuru, dangu ili ndakwaku imwe.

Malaki 2:10

Kumbi kuti tose tendi uskefwe yumoza cha? Kumbi kuti tose tarengeka ndi Chiuta yumoza cha? Nanga chifukwa nchine tireka kugomezgana yumoza ndi munyake, ndi titananga phanganu la auskefwe?

Malaki 2:8

“Kweni imwe mwatuwamo mu nthowa; mwalandizga ŵanandi ndi chisambizgu chinu, mwananga phanganu laku Levi, atiti Ambuya ŵa maŵanja,

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Mateyu 15:4

Chifukwa wangukamba Chiuta ‘Tumbika ausu ndi anyoko’; ndipo ‘Wakukambiya uheni pa wiske pamwenga nyina, kufwa wafwe.’

Mateyu 15:6

Ndipo mwapenevya mazu ghaku Chiuta chifukwa cha mdauku winu.

Mateyu 19:19

tumbika ausu ndi anyoko; ndipo wanjenge munyako uli ndiwe wamweni.”

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.

Mateyu 7:21

“Kuti waserenge mu ufumu wakuchanya cha yose wakunditamula, ‘Ambuya, Ambuya’; kweni yo ngwakulichita khumbu la Ada ŵakuchanya.

Marko 10:19

Marangu utighaziŵa: ‘Ungabaya, ungareŵa, ungaba, ungasimikizga kwautesi, ungapusika, tumbika ausu ndi anyoko.’ ”

Marko 7:10

Chifukwa Mosese wanguti, ‘Tumbika ausu ndi anyoko’; ndipo, ‘Wakukambiya uheni awiske ndi anyina, wafwe nyifwa’;

Luka 10:29

Kweni iyo, pakukhumba jujirunjiska, wanguti kwaku Yesu, “Ndipo ndi yani mwanase wangu?”

Luka 18:20

Marangu ughaziŵa; ‘Ungareŵanga, ungabayanga, ungabanga, ungasimikizganga kwautesi, tumbika ausu ndi anyoko.’ ”

Luka 6:36

Muŵe ŵalisungu, ulaka nge mba Uskemwe mbalisingu.

Luka 6:46

“Ndipo uli mutinditamula, ‘Ambuya, Ambuya,’ ndi mureka kuchita vyo ndinena?

ŴaEfeso 6:2

“Tumbika ausu ndi anyoko” (lenilo ndi dangu lakudanga lo le ndi phanganu),

Marangu 1:31

Ndi mu mabozwa munguwona mo Ambuya Chiuta winu wangumuphwereliyani nge ndimo munthu waphwerere mwana wake, mu nthowa yose yo mungwenda mpaka mwazifika mu malo ghano.’

Marangu 32:6

Kumbi mutiŵatayiya thayu viyo Ambuya, mwa ŵanthu ŵakupusa ndi ŵambura chinjeru imwe? Kuti ndiwo auskemwe cha wo angumulengani, wo angumupangani imwe ndi kumujarikani?

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

1 Petro 1:17

Ndipo asani mumudana Dada mweniyo kwambura kurumba chisku ngwakweruzgiya uli ndi nchitu ya munthu yose, mu wofi jaririyani nyengo yo ya chitandara chinu: