Malaki 1:10 - Tonga Bible 1986

¹⁰ Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Malaki 1:10 ပူးပေါင်းရင်းမြစ်များ

2 ŴaKaronga 12:6

Kweni pa chirimika cha machumi ghaŵi pachanya vitatu cha karonga Yehoyashi ŵazukuru kuti ŵanguchita chirongoso pa nyumba yo cha.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 6:13

“Pakuti kwamba ku mumana kwachifika ku mura wawo, we yose ndi msusi chifukwa cha chanduwu chakupusika; ndipo kutuwa ku mchimi mpaka ku mzukuru we yose wachita kwakupusika.

Yeremiya 6:20

Kafukwa nkhane ko vyakusunkhizga viziya kwangu kutuliya ku Sheba, pamwenga mijuŵa kutuliya kucharu cha kutali? Sembe zinu zakocha kuti zirondereka cha, chingana ndi mipasku yinu kuti yitindikondweska cha.

Yeremiya 8:10

Chifukwa cho ndipaskenge kuŵanyake ŵawoli ŵawo, ndi minda yawo ku ŵakuŵathereska, chifukwa kwamba ku wakumariya kufika ku mura wakuruska we yose ndi msusi chifukwa cha chanduwu chakupusika; kutuwa ku mchimi kufika ku mzukuru, we yose wachita kwakupusika.

Hoseya 5:6

Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Malaki 1:13

Mutiti, ‘Uku nkhuvukiska kwa mtundu uli?’ Ndipo mutindinyoza, atiti Ambuya ŵa maŵanja. Mutuza ndicho nchakunangika, pamwenga chakupunduka, pamwenga chakutama, ndipo ichi mutuza nacho nge ndi mpasku winu! Kumbi ndingaronde ichi kutuwa mu janja linu? atiti Ambuya.

Malaki 2:12

Chifukwa cha munthu wakuchita ivi, mphanyi Ambuya atuzgamo manyi ndi kaboni, pamwenga nkhoswe, pamwenga wakuza ndi sembe ku Ambuya ŵa maŵanja, mu mahema ghaku Yakobe.

Malaki 2:13

Muzumbwiska jochero la Ambuya ndi masozi, ndi kuliya ndi kutamantha, chifukwa iyo kuti weche so kuphwere cha mpasku pamwenga kuuronde ku manja ghinu ndi ulemu.

Yohane 10:12

Yo ngwamphotu, pakuŵa mliska cha, ndi pakuŵavi zapa mtima wake mberere zo, wawona mphumphi yichiza, ndipo watuzijowo mberere, wathaŵa, ndipo mphumphi yo yituzukwamphuwa, ndi kuziparang'a.

1 ŴaKorinte 9:13

Asi muziŵa kuti ŵakutakatakiya kasopi ŵaturghapo vya ku kasopi ndi kuti ŵalinda ŵapa jochero ŵasangana chigaŵa ndi jochero lo?

ŴaFilipi 2:21

Pakuti wose ŵalembe vyaku ŵija, vyaku Yesu Kristu cha.

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;