Luka 9:54 - Tonga Bible 1986

⁵⁴ Kweni ŵanguti ŵawona chenichi ŵasambizi ŵake Yakobe ndi Yohane, wanguti, “Ambuya, mukhumba kwari kuti tidane moto kusikako kuchanya ndi kuŵananga?”

Luka 9:54 ပူးပေါင်းရင်းမြစ်များ

2 Samuele 16:9

Ndipo Abishai mwana waku Zeruya wangunena ndi karonga, “Chifukwa nchine garu wakufwa uyu watuka mbuyangu karonga? Ndizomerezgeni ndirute nkhadumuwe mutu wake.”

2 Samuele 21:2

Viyo karonga wangudana ŵaGibeoni; ŵaGibeoni kuti ŵenga khamu la ŵaYisraele cha, kweni ŵakusiyika ŵaAmori, nanga ŵa khamu laku Yisraele ŵanguŵarapiya kuŵasiya ŵamoyo, kweni Sauli mwaphamphu lake wanguŵabaya pa ŵaYisraele ndi ŵaYuda.

2 ŴaKaronga 1:9

Sono karonga wangumutumiya nduna ya nkhondo ya liŵanja la machumi ghankhonde ndi ŵanthu ŵake machumi ghankhonde. Ŵangukwere kwaku Eliya, mweniyo wanguja pachanya pa kamtunthu, ndi ŵanguti kwaku iyo, “Wa munthu waku Chiuta, karonga watiti, ‘Usike.’ ”

2 ŴaKaronga 10:16

Ndipo wanguti, “Tiye pamoza nane ukawone phamphu langu lapa Ambuya.” Viyo wangumwendeska mu gareta.

2 ŴaKaronga 10:31

Kweni Yehu kuti wanguphwere kwenda mu dangu la Ambuya Chiuta waku Yisraele ndi mtima wake wose cha; kuti wangutuwako cha ku maulakwi ghaku Yeroboamu gho wangulakwiska nagho Yisraele.

Wakutaula 3:3

nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;

Marko 3:17

Yakobe mwana waku Zebediya, ndi Yohane mhurwa waku Yakobe; ndipo wanguŵapaska zina Boanergesi, ndiku kuti, ŵana ŵa chidiririzi,

Luka 9:55

Kweni wangung'anamuka, ndipo wanguŵachenya.

Chivumbuzi 13:13

Ndipo chitata visimisimi vikuru, viyo kuti chituzga chingana ndi moto kuchanya, kuwusiskiya pa charu pa maso gha ŵanthu.

Chivumbuzi 13:3

Ndinguwona umoza wa mitu yake wenga nge ngwakukosoreka ndi kubayika; ndipo bala lake lanyifwa linguchizgika: ndipo charu chose chingurondo chikoku cho ndi kuzizwa.