Luka 8:44 - Tonga Bible 1986

⁴⁴ wanguza kuvuli ndi wangukwaska mphonji ya munjirira wake: ndipo sosonukweni chingukamuka chisuruwa cha ndopa zake.

Luka 8:44 ပူးပေါင်းရင်းမြစ်များ

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Mateyu 20:34

Ndipo Yesu, wakukoreka lisungu wangukwaska maso ghawo: ndipo sosonukweni ŵangulereska so, ndipo ŵangumrondo.

Mateyu 8:3

Ndipo wati watambaruwa janja lake, wangumkwaska, wakuti, “Ndikhumba; utozgeke.” Ndipo sosonukweni makhati ghake ghangutozgeka.

Mateyu 9:20

Ndipo, ehe, munthukazi, msuruwa ndopa virimika chumi ndi viŵi, wakuza kuvuli kwake, wangukwaska mphonji za munjirira wake:

Marko 6:56

Ndipo kweniko kose wangusere mu muzi, pamwenga mu misumba, pamwenga mu minda, ŵajarikanga ŵakutama mu maluluwa gha maronda, ndipo wangumuŵeyere kuti ŵakwaske chingana ndi mphonji pe za munjirira wake: ndipo so wose ŵazikwaskanga, ŵachizgikanga.

Luka 13:13

Ndipo wanguŵika pake manja: ndipo sosonukweni wangunyoroka, ndipo wakankhuskanga Chiuta.

Luka 7:38

wakuma kuvuli ku marundi ghake, wakuliya, wangwanda kuzumbwiska marundi ghake ndi masozi, ndi waghaleskanga ndi sisi la mutu wake, ndipo wafyofyonthanga marundi ghake, ndi waghatukutizganga ndi muro.

Luka 8:43

Ndipo munthukazi, wakuŵa ndi chisuruwa ndopa virimika chumi ndi viŵi, mweniyo wangumariyapo pa zing'anga umoyo wake wose, ndi kuti wanguziŵa kuchizgika ndi yimoza cha,

Luka 8:45

Ndipo Yesu wanguti, “Njani yo wandikwaska?” Ndipo ŵachikana wose, Petro wanguti, ndi ŵapamoza nayo, “Ambuya, mizinda yitikunyekezgani ndi yitumfinyirizgani.”

Yohane 5:13

Kweni wakuchizgika wengavi kuziŵa kuti wenga yani munthu yo, chifukwa Yesu wangunyeremuka, pakuŵapo mzinda penipo.

Machitidu gha Ŵakutumika 19:12

viyo kuti saru zakuleske kutuwa ku liŵavu lake pamwenga zo mpangu zingutoreke ku ŵarwali nthenda zinguŵataya, ndipo so mizimu yiheni yingutuwamo.

Machitidu gha Ŵakutumika 5:15

viyo kuti chingana mbarwali ŵanguŵapingiya ku miseu, ndipo ŵanguŵaŵika pa vita ndi pa mphasa, alinga kuti, pakuzako Petro chiduduzi chake vinu chingavimba yumoza waku wo.

Marangu 22:12

“Mujichitiyenge zimphonje pa visongo vinayi vya chiphemeska chinu chenicho mutijivwinkha nacho.