Luka 8:41 - Tonga Bible 1986

⁴¹ Ndipo wonani, kunguza munthu, zina lake Yairo, mweniyo wenga mura wa sinagoge, ndipo wangujikama pasi pa marundi ghaku Yesu, wamuŵeyerenga kusere mu nyumba yake;

Luka 8:41 ပူးပေါင်းရင်းမြစ်များ

Luka 13:14

Kweni mura wa sinagoge, wakutundiya chifukwa Yesu wanguchizga pa Sabata, wangwamuka ndi wangunene mzinda wo, “Mazuŵa ghankhonde ndi limoza ghalipo, mwaku ghenigho kutenere kutakataka: mwaku ghenigho muzachichizgika, pa zuŵa la Sabata cha.”

Luka 17:16

ndipo wanguwa kavunama pa marundi ghaku Yesu, wakumwonga: ndipo mweniyo wenga muSamaria.

Luka 5:8

Kweni wachiwona, Simoni Petro wanguwa pa makongono ghaku Yesu, wakunena, “Tuwaniko kwangu, pakuti ndine munthu wakulakwa, Ambuya.”

Luka 8:42

pakuti wenga nayo mwanamunthukazi, yumoza pe, akhumba wa virimika chumi ndi viŵi, ndipo iyo waziririkanga. Ndipo po warutanga mizinda yo yamfinyirizganga.

Luka 8:49

Wacharongoro iyo, watuza yumoza wa kwaku yo mura wa sinagoge, wakuti, “Wafwa mwanamunthukazi wako; ungamusuzganga cha Msambizgi.”

Yohane 11:21

Marta wanguti kwaku Yesu, “Asani mwenga panu Ambuya, mphanyi mzichi wangu kuti wakufwa cha.

Machitidu gha Ŵakutumika 13:15

Ndipo pavuli pa chiŵerenga cha chilangulu ndi ŵamchimi, ŵara ŵa sinagoge ŵangutuma kwaku wo, ŵakuti, “Mwa ŵanthu mwa ŵabali, asani mwe nagho mazu ghakuchichizgiya khamu lo, kambani.”

Machitidu gha Ŵakutumika 18:17

Ndipo wose ŵanguko Sosthene mura yo wa sinagoge, ndipo ŵangumpuma paurongo pa mphara. Ndipo Galio wengavi kuphwere kanthu kose paku vyenivi.

Machitidu gha Ŵakutumika 18:8

Ndipo Krispu, mura wa sinagoge, wanguvwana mu Ambuya pamoza ndi nyumba yake yose; ndipo ŵanandi ŵaku Korinte ŵanguvwa ndi ŵanguvwana, ndipo ŵangubatizika.

Machitidu gha Ŵakutumika 9:38

Ndipo pakuŵa Luda kufupi ku Yopa, ŵasambizi, ŵati ŵavwa kuti Petro wenga kweniko, ŵangutuma ŵanthurumi ŵaŵi, ŵakumuŵeyere, “Ungaziulika cha kufika kwidu.”

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).