Luka 8:35 - Tonga Bible 1986

³⁵ Ndipo ŵangutuliya kwachiwona chakuŵapo cho ndipo ŵanguza kwaku Yesu, ndipo ŵangumsaniya munthu mwaku mweniyo ŵademone ŵangutuwa, wakuja pasi, wakuvwara ndi wavinjeru, pa marwayo ghaku Yesu; ndipo ŵangopa.

Luka 8:35 ပူးပေါင်းရင်းမြစ်များ

Sumu 51:10

Mtima wakutowa mundilenge, A Chiuta, ŵikani mukati mwangu mzimu ufya ndi wakunyoroka.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Mateyu 4:24

Ndipo thenthe lake linguwanda mu Siriya yose, ndipo ŵangumtole wose ŵakutama ŵakukoreka ndi nthenda zamitundumitundu ndi maurwirwi, ŵademone ndi ŵakufuntha ndi ŵavinjenje; ndipo wose wanguŵachizga.

Marko 5:15

Ndipo ŵanguza kwaku Yesu, ŵangumuwona wademone yo wakuja ndeku pasi, wakuvwara ndi wakuŵa ndi zeru, mweniyo wenga liŵanja: ndipo wangopa.

Luka 10:39

Ndipo iyo wenga nayo mhurwa wake wakutamulika Mariya, mweniyo so, wakuja pasi ku marundi ghaku Yesu, wavwanga mazu ghake.

Luka 15:17

Ndipo wanguti wajiwezga mu mtima watinge, ‘Wamphotu ŵaringa ŵa ŵada ŵafurwa ndi vyaukurgha vinandi, ndipo ine panu ndiyowa ndi nja.

Luka 2:46

Ndipo kunguŵa pavuli pa mazuŵa ghatatu, ŵangumsaniya mu kasopi wakuja pasi mukati mu ŵasambizgi, ndi wakuŵavwa ndi wakuŵafumba:

Luka 8:27

Ndipo wachizuukiya pa mtunda, wangukumana nayo munthurumi ngana wamumuzi, yo waŵanga ndi ŵademone; ndipo kwa nyengo yitali kuti wavwaranga chivwaru cha, chingana nkhuti wajanga mu nyumba cha kweni mu masanu.

Luka 8:34

Kweni ŵachiwona ŵaliska cho chinguŵapo ŵanguthaŵa, ndi ŵangwachitauliya mu muzi ndi mu maulimi.

Machitidu gha Ŵakutumika 22:3

“Ine nde munthurumi mu Yuda, wakuwiya mu Tarso waku Kilikia, kweni wakulereke mu msumba wenuwu, pa marundi ghaku Gamaliele, wakusambizgika kwakuyana ndi rwana la langulu la auskefwe, ndawakuŵa waphamphu kuchiri kwaku Chiuta, uli ndimo muliri mose le:

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.