Luka 8:24 - Tonga Bible 1986

²⁴ Ndipo ŵangumyuska, ŵakuti, “Ambuya, Ambuya, tiyowa.” Ndipo wanguyuka, wanguchenya mphepu yo ndi kuwuruma kwa maji: ndipo vingureka, ndi linguŵapo bata,

Luka 8:24 ပူးပေါင်းရင်းမြစ်များ

Sumu 65:7

Muchetamiska kuwuruma kwa zinyanja ndi kuwuruma kwa mayigha; muchetamiska chiwawa cha mitundu.

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Yeremiya 5:22

Kumbi kuti mutindopa cha ine? atiti Ambuya; Kumbi kuti mumbwambwanthiya cha paurongo pangu? Ndinguŵikapo mchenga nge ndi mphaka ya nyanja, ndi dangu la muyaya kuti yireke kurutiliyapo, chingana mayigha ghapumeko, kuti ghangayijumpha cha, nanga ghawuruma, kweni kuti ghangarutiliya yapa cha.

Nahumu 1:4

Achenya nyanja ndi kuyikamuska, aphwiska misinji yose; Bashani ndi Karmele ŵafota, luŵa laku Lebanoni nalo lifota.

Mateyu 14:30

Kweni wachiwona mphepu, wangopa; ndipo, wangwamba kubira, wangukambura, wakuti, “Ambuya, nditaskeni.”

Mateyu 8:25

Ndipo ŵanguza ndi ŵangumyuska ŵakuti, “Ambuya taskani, tiyowa!”

Marko 4:39

Ndipo wati wayuka wanguyichenya mphepu, ndipo wanguyinene nyanja, “Chetama ja bata!” Ndipo mphepu yingureka, ndipo kunguŵa bata likuru.

Luka 4:35

Ndipo Yesu wangumchenya, wakuti, “Sunama, ndi tuwamo mwake.” Ndipo demone yo, wanguti wampong'a pasi, wangutuwamo mwake kwambura kumpweteka kose.

Luka 4:39

Ndipo wanguti wamiyapo pake, wanguchenya muliŵavu, ndipo mungumtaya: ndipo wanguti wayuka sosonukweni waŵateŵetiyanga.

Luka 5:5

Ndipo Simoni wakwamuka wanguti, “Ambuya usiku wose tatakataka, ndipo kuti tatoko kanthu cha: kweni pa mazu ghinu ndithirenge mkwau.”

Luka 8:25

ndipo wanguti kwaku wo, “Che pani chivwanu chinu?” Ndipo ŵangopa ndi kurwita, ŵakunenerana, “Njani munthu uyu walanguliya mphepu ndi maji, ndi vitumviya?”