Luka 8:18 - Tonga Bible 1986

¹⁸ Viyo lereni mo muvwiya; chifukwa yose yo wenako kupaskikenge kwaku iyo, ndipo yose yo walive, kwaku iyo kapokekenge keniko wajipimiya kuŵa nako.”

Luka 8:18 ပူးပေါင်းရင်းမြစ်များ

Nthanthi 14:12

Yilipo nthowa yeniyo yiwoneka uli njamampha ku munthu, kweni umali wake ndi nthowa yaku nyifwa.

Mateyu 13:12

Chifukwa yose yo wenacho, kwaku iyo kupasikikenge, ndipo waŵenge ndi uzari: kweni yose yo walive, chingana ndi cho wenacho, chikwamphulikenge kwaku iyo.

Mateyu 25:29

Chifukwa kwaku yose wakuŵa navyo kupaskikenge, ndipo waŵenge ndi uzari: kweni kwaku yo walive, chingana ndi lo we nalo lituzgikengeko kwake.

Marko 13:14

“Kweni penipo muwona unyakazi wa phasulu kuma pa malo gho kuti utenere kumapo cha (wakuŵerenga yo wawemo) sono wamu Yuda wathaŵiye ku mapiri;

Luka 19:26

Ndikuneniyani kuti kwaku yose yo we nako kupaskikenge; kweni kwaku yo walivi chingana nkheniko we nako kakwamphulikengeko kwake.

Luka 9:44

“Imwe mujiŵikiye mu makutu ghinu mazu yagha; chifukwa Mwana wa munthu wakhasa kuperekeka mu manja gha ŵanthu.”

Yohane 15:2

Mphanda yose mwaku ine yambura kupasa, atiyipantha: ndipo yose yakupasa atiyitenguliya, mwakuti yipase vinandi.

Machitidu gha Ŵakutumika 10:33

Sosonukweni viyo ndingutuma kwako; ndipo wachita umampha kutifika. Viyo sono tose tiripo paurongo paku Chiuta kuvwa vyose vyo walangulikiya ndi Chiuta.”

Machitidu gha Ŵakutumika 17:11

Ndipo yaŵa ŵenga ŵaulemu kwakuruska ŵamu Tesalonika, wose ŵangugharonde mazu ndi pamphu lose, ndipo ŵangupenjapenjamo mu malembo zuŵa ndi zuŵa, asani vyenivivyenga vyaviyo.

ŴaRoma 12:3

Chifukwa, ku wezi wakupaskika kwaku ine, ndimunene munthu yose wamwaku imwe, wareke kujipima kwakuruska po watenere kupimiya; kweni kupima kwakuziza, nge ndimo Chiuta wagaŵiya yose, yumoza ndi yumoza, chigaŵa cha chivwanu.

1 ŴaKorinte 14:37

Asani munthu warunguruka kuti ndi mchimi, pamwenga wamzimu, waziŵe kuti vyo nditukulembiyani nchilangulu cha Mbuya.

1 ŴaKorinte 3:18

Paŵevi wakujifuvya. Asani munthu mwaku imwe watijipima kuti ngwazeru mu mgonezi uwu ikuwaŵe wakupusa, alinga kuti waŵenge wazeru.

1 ŴaKorinte 8:2

Asani munthu watiti waziŵa kanthu, wandaziŵepo mo watenere kuziŵiya.

ŴaFilipi 3:4

Chingana ine ndingagomekezga mu liŵavu. Asani munyake watiti wendi kafukwa kakugomekezge mu liŵavu, iku ine ukongwako:

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.