Luka 8:13 - Tonga Bible 1986

¹³ Ndipo zo zapa jarawe ndi wo penipo ŵavwa ŵaronde mazu ndi chimwemwe; ndipo ŵeniwo ŵalive nkhorozo, wo kwa kanyengo ŵavwana, ndi mu nyengo ya kesedu ŵadezukako.

Luka 8:13 ပူးပေါင်းရင်းမြစ်များ

Jobu 19:28

Asani mutiti, ‘Timusuzgiyengenji, pakuti chifukwa cha mrandu chasanirika mwaku iyo’;

Nthanthi 12:12

Sonjo wa nthazi wa wamphulupulu wabwanganduka, kweni msisi wa murunji utuma gwa.

Nthanthi 12:3

Munthu kuti wakhozgeka ndi mphurupuru cha, kweni msisi wa urunji kuti underezgekengepo cha.

Yesaya 58:2

Kweni ŵatindipenja zuŵa ndi zuŵa, ndipo ŵakondwere kuziŵa nthowa zangu, ulaka nge ndi mtundu wo uchita ukongorekwa wo ulivi kujowo malangulu ghaku Chiuta wawo; ŵatindipempha vyeruzgu vya kunyoroka ŵakondwa kundere kwaku Chiuta.

Ezekiele 33:32

Ndipo, awona, ine kwaku iwo ulingana ndi munthu yo watumba sumu za chanju ndimazu ghakunozga ukongwa ndipo watumba umampha pa bangwi, chifukwa watuvwa cho ukamba, kweni kuti wakachichitanga cha.

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

Marko 6:20

chifukwa Herode wamopanga Yohane, pakumziŵa kuti wenga munthu murunji ndi wakupaturika, wamsungirizganga waka. Ndipo wachimuvwa wazizikikanga ukongwa; kweni wamuvwanga kwakukondwere.

Luka 8:12

Ndipo zo zamu mphepete mu nthowa mbeniwo ŵavwa; sono watuza diabolo yo, ndi wapoka mazu ku mtima wawo alinga kuti ŵangavwana ndi kutaskika cha.

Luka 8:14

Ndipo yo yakuwa mukati mu minga, mbeniwo ŵavwa, ndipo ŵachiruta ŵafinyirizgika ndi malikweŵeska ndi mausambasi ndi malikondwa gha umoyo, ndi kuti ŵafiska cha.

Yohane 15:2

Mphanda yose mwaku ine yambura kupasa, atiyipantha: ndipo yose yakupasa atiyitenguliya, mwakuti yipase vinandi.

Yohane 15:6

Asani munthu wareka kujaririya mwaku ine, wapong'eka kubwaro nge ndi mphanda, wamira; ndipo ŵaunjika mphanda zo, watizipong'a mu moto, ndipo zitocheka.

Yohane 5:35

Yuwa wenga lumbuni lakukole ndi lakuŵala; ndipo imwe mungukhumba kusangaruskika kwa kanyengo mu ukweru wake.

1 ŴaKorinte 13:2

Ndipo asani ndi ndi umchimi, ndipo ndiziŵa mangari ghose ndi mziŵiru wose; asani nde ndi chivwanu chose, viyo kuti ndinganderezga mapiri, kweni chanju ndirive, kuti nde kanthu cha.

1 ŴaKorinte 15:2

mwaku weniwo so mutaskikiya, ne mukoreze mazu gho ndingumtauliyani; vinu ching'anamuka chinu chingaŵa cha ŵaka.

ŴaGalatia 3:1

Mwa ŵaGalatia mwaŵakupusa, njani warowa imwe, pa maso ghaku maŵenimwe Yesu Kristu wakupayikika wataulikiya pakweru?

ŴaGalatia 3:4

Kumbi mwakunthiyapo vyenivinandi vyo kwaŵaka? Kwakuneneska penga kanthu.

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 2:7

pakumererwa ndi kuzengeka mwake, ndi kukhozgeka mu chivwanu, uli ndimo mwasambizgikiya, ndi kufurwiya mu chiwonga.

1 ŴaTesalonika 3:5

Chifukwa chenichi ine nane, pakuziŵa kukunthiyapo so cha, ndingumutuma mwakuti ndiziŵe chivwanu chinu, vinu kokuli wakwesa yo wakwesani, ndi kuti mlimu widu waŵa wawaka.

1 Timote 1:19

pakuŵa ndi chivwanu ndi njuŵi yamampha, yeniyo ŵanyake ŵajipankhuliya, ndipo ŵagaruka kuchiri ku chivwanu cho:

ŴaHebere 10:39

Kweni ifwe kuti te ŵakuwele vuli cha ku wanangiku, kweni ŵa chivwanu ku utaski wa mzimu.

Yakobe 2:26

Chifukwa uli ndimo liŵavu lo pade pa mzimu ndakufwa, viyo chivwanu nacho pade pa milimu nchakufwa.

2 Petro 2:20

Chifukwa asani, wati wathaŵa maukazuzi gha charu mu chiziŵiru cha Ambuyafwe ndi Mtaski Yesu Kristu, pakuwiramo so mwaku ghenigho, wathereskeka, vyakumariya vyaŵaŵiya viheniku kwakuruska vyakudanga vyo.

2 Petro 2:22

Chaŵaŵiyacho cha nthanthi yakuneneska, “Garu wawereko ku bukuzi lake, ndipo nkhumba yisamba kwachikunkhuruka mu urambwi.”

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

Yuda 1:12

Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;