Luka 7:40 - Tonga Bible 1986

⁴⁰ Ndipo wakwamuka Yesu wanguti kwaku iyo, “Simoni, nde nako kanthu kukukambiya.” Ndipo iyo wali, “Msambizgi, kambani.”

Luka 7:40 ပူးပေါင်းရင်းမြစ်များ

1 ŴaKaronga 2:14

Ndipo wanguti, “Ndendi kanthu kakuti ndikambe kwaku iwe.” Iyo wanguti, “Kamba.”

Ezekiele 33:31

Ŵatuza kwaku iwe nge ndimo ŵanthu ŵaziya, ndipo ŵaja paurongo pako nge mbanthu wangu, ŵatuvwa vyo iwe ukamba, kweni kuti ŵakavichitanga cha; pakuti ndi milomo yawo ŵarongo chanju chikuru, kweni mitima yawo yikukho mu chanduwu chawo.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Mateyu 26:49

Ndipo, wanguza kwaku Yesu, ruŵi wanguti, “Mauleni, Rabi”; ndipo wangumufyofyontha.

Mateyu 7:22

Ŵanandi ŵanenenge nane mu zuŵa liya, ‘Ambuya, Ambuya, asi tingutauliya mu zina linu, ndi mu zina linu tingutuzgiya ŵademone, ndi mu zina linu tinguchitiya vyanthazi vinandi?’

Luka 18:18

Ndipo mura yumoza wangumfumba, wakuti, “Muwomba wamampha, nkhachitanga chine kuti ndihare umoyo wamuyaya?”

Luka 5:22

Kweni Yesu, wakuziŵa makambiranu ghawo, wangwamuka, wanguti kwaku wo, “Mukambirana chine mu mitima yinu?

Luka 5:31

Ndipo wakwamuka Yesu wanguti kwaku wo, “Azima ŵalive usiwa wa ng'anga, kweni ŵakutama ndiwo.

Luka 6:8

Kweni mweneko waziŵanga marunguruku ghawo; ndipo wanguti ku munthu yo wakuŵa ndi janja lakumira, “Soka, ndi ume mukati mo.” Ndipo wangusoka, wanguma.

Luka 7:39

Kweni wachiwona vyenivyo muFarisi yo wangumdana, wangunena mwaku yija, kuti, “Mwenuyu, asani wenga mchimi, mphanyi wanguziŵa njani ndi ngwakutinji yo munthukazi mweniyo watumkwaska, kuti ngwakulakwa.”

Luka 7:41

“Wakulambiska ngana wenga nawo ŵamateu ŵaŵi: yumoza yo wanguteuwa matambala machumi pe chumi ghankhonde, ndi munyake yo machumi ghankhonde.

Yohane 13:13

Imwe mutinditamula, Msambizgi, ndi Ambuya: ndipo muneneska; chifukwa nde waviyo.

Yohane 16:19

Yesu wanguteska kuti ŵakhumbanga kumfumba, wangunena nawo, “Kumbi mufumbiskana paku chenichi, pakuti ndinguti, ‘Kanyengo kamanavi, kuti mundiwonenge cha, ndipo so kanyengo kamanavi, ndipo mwamkundiwona pavuli?’

Yohane 16:30

Sono tiziŵa kuti muziŵa vyose, ndipo kuti mukavuka cha kuti yumoza wakufumbeni: mwaku chenichi tivwana kuti mungutuliya kwaku Chiuta.”

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”