Luka 7:34 - Tonga Bible 1986

³⁴ Waza Mwana wa munthu wakurgha ndi wakumwa; ndipo mutiti, ‘Awonani munthu nkharghi ndi mumwa-vinyo, bwezi la ŵamthulu ndi ŵalakwi.’

Luka 7:34 ပူးပေါင်းရင်းမြစ်များ

Mateyu 11:19

Wanguza mwana wa munthu wakurgha ndi wakumwa, ndipo ŵatiti, ‘Awonani, munthu nkharghi, ndi nkhamwi, bwezi la ŵamsonkho ndiŵalakwi!’ Ndikweni zeru yirunjiskika ndi machitidu ghake.”

Mateyu 5:46

Chifukwa asani munganja ŵakukwanjani pe, mwendiphotu uli? Asi ŵamsonkhu nawo ŵachita chenicho?

Mateyu 9:11

Ndipo wachiwona ŵaFarisi wo, ŵanguŵanene ŵasambizi ŵake, “Chifukwa chine msambizgi winu waturgha ndi ŵamsonkho ndi ŵalakwi?”

Luka 11:37

Ndipo wachirongoro, ŵaFarisi yanimweni wampenjanga kuti warauke kwake: ndipo wati wasere wanguja pasi.

Luka 14:1

Ndipo kunguŵa wachisere iyo mu nyumba ya yumoza wa ŵara ŵa ŵaFarisi pa Sabata kwachirgha chiŵande, iwo ŵamkhazganga.

Luka 15:2

Ndipo ŵadinginikanga ŵaFarisi nawo ndi wo ŵalembi ŵakuti, “Uyu waronde walakwi, ndipo waturgha nawo.”

Luka 19:7

Ndipo ŵanguti ŵawona wose ŵadinginikanga, ŵakuti, “Wamtandara ku munthurumi mulakwi.”

Luka 5:29

Ndipo Levi wangumchitiya dghera likuru mu nyumba yake; ndipo wangapo mzinda ukuru wa ŵamthulu ndi ŵanyake wo ŵajanga nawo pa kurgha.

Luka 7:33

Chifukwa Yohane Mbatizi waza wambura kurgha chiŵande chingana nkhumwa vinyo, ndipo mutiti, ‘We ndi demone.’

Luka 7:35

Ndipo zeru yarunjiskika mu ŵana ŵake wose.”

Luka 7:36

Ndipo yumoza wa ŵaFarisi wangumkhumbiya kuti warghe pamoza nayo. Ndipo wangusere mu nyumba ya muFarisi yo, ndi wanguja pasi pa kurgha.

Yohane 12:2

Wangumunozge kurgha kwa mazuru kwenukuwa; ndipo Marta ndiyo wanguŵateŵete; kweni Lazaro wenga yumoza waku wo ŵatekanga pamoza nayo pa kurgha.

Yohane 2:2

ndipo Yesu wangudanika nayo, pamoza ndi ŵasambizi ŵake, ku nthengwa yo.