Luka 7:21 - Tonga Bible 1986

²¹ Mu ora lenilo wanguchizga ŵanandi ku matenda ndi masuzgu ndi mizimu yiheni; ndipo ku ŵachiburumutiya ŵanandi wangupaska kulereska.

Luka 7:21 ပူးပေါင်းရင်းမြစ်များ

1 ŴaKaronga 8:37

“Asani mwe chilala mu charu, asani mwe chiwowota pamwenga vitupatupa pamwenga chideru, pamwenga zombe pamwenga matondo; asani ŵakupindikana ŵawo ŵatuŵazinga msumba wawo we wose, manyi nchideru chakutinji, manyi ndi matenda gha mtundu uli gho ghalimo.

ŴaLevi 14:48

“Kweni asani mzukuru waza ndipo wapima ndi wasaniya kuti nthenda yilivi kuthaza mu nyumba yo pavuli yati yakuluŵika, sono mzukuru wakanenenga kuti nyumba njakutozgeka; pakuti nthenda yamara.

Mateyu 4:23

Ndipo Yesu wazunguliyanga Galile yose, wakusambizga mu masinagoge ghawo, ndi wakumemeza evangeli wa ufumu wo, wakuchizga nthenda yose ndi unthomboru wose mukati mu ŵanthu.

Mateyu 4:24

Ndipo thenthe lake linguwanda mu Siriya yose, ndipo ŵangumtole wose ŵakutama ŵakukoreka ndi nthenda zamitundumitundu ndi maurwirwi, ŵademone ndi ŵakufuntha ndi ŵavinjenje; ndipo wose wanguŵachizga.

Marko 3:10

Chifukwa wanguŵachizga ŵanandi, viyo kuti ŵangumumotoke wose ŵakuŵa ndi zinthenda mwakuti ŵamukwaske.

Marko 5:29

Ndipo sosonukweni chingukamuka chisima cha ndopa zake; ndipo wanguziŵa mu liŵavu lake kuti wachizgika.

Marko 5:34

Yesu wanguti kwaku iyo, “Mwana munthukazi we, chivwanu chako chakutaska; kanga mu chimangu, uchizgike ku nthenda yako.”

Luka 7:20

Ndipo ŵanguti ŵafika kwake wo ŵanthu, ŵanguti, Yohane Mbatizi watituma kwaku imwe, wakuti, “Kumbi imwe ndimwe yo watuza, pamwenga tilereziyenge munyake?”

ŴaHebere 12:6

chifukwa mweniyo Mbuya watanja wamlanga, ndipo wamkhwechuwa mwana yose yo waronde.”