Luka 7:19 - Tonga Bible 1986

¹⁹ Ndipo wakujidaniya ŵangana ŵaŵi ŵa ŵasambizi ŵake, Yohane wanguŵatuma ku Ambuya, wakuti, “Kumbi imwe ndimwe yo watuza, pamwenga tilereziyenge munyake?”

Luka 7:19 ပူးပေါင်းရင်းမြစ်များ

Chiyambo 22:18

Ndipo mu mphapu yako mitundu yose ya charu chapasi yitumbikikenge chifukwe wavwiya mazu ghangu.”

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Yesaya 11:1

Pakatuwanga chitivwa pa chipandu chaku Jese, ndipo mphanda yikakuwanga kutuwa ku misisi yake.

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Hagayi 2:7

ndipo nkhasukuniskanga mitunda yose, mwakuti usambasi wa mitundu yose uzengemu, ndi nkhazazanga nyumba iyi ndi unkhankhu, atiti Ambuya ŵa maŵanja.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Marko 6:7

Ndipo wazunguliyanga mu mizi yo kusambizga. Ndipo wangudana chumi ndi ŵaŵi wo, wangwamba kuŵatuma ŵaŵi-ŵaŵi; ndipo wanguŵapaska mtufu wapa mizimu yauyu.

Luka 10:1

Pavuli paku vyenivi Mbuya wangumika ŵanyake machumi ghankhonde ndi ghaŵi pachanya ŵaŵi, ndipo wanguŵatuma ŵaŵi ŵaŵi paurongo pa chisku mu muzi wose ndi malo, kweniko wakhumbanga kuza mweneko.

Luka 11:1

Ndipo kunguŵa, wachiromba mu malo ghakuti, po wangureka, yumoza wa ŵasambizi ŵake wanguti kwaku iyo, “Ambuya, tirunguchizgeni ifwe kuromba, uli ndimo Yohane nayo wanguŵa runguchizgiya ŵasambizi ŵake.”

Luka 11:39

Ndipo Mbuya wagumunene, “Sono imwe mwaŵaFarisi muphoto kubwaro ko kwa jomera ndi kwa mbali; kweni mukati mwinu muzala kufyonkhonyo ndi uheni.

Luka 12:42

Ndipo Mbuya wanguti, “Njani na mlinda yo wamagomekezgeka ndi wazeru, mweniyo mbuyake wamikenge pa mbumba yake kwachipaska kamba mu nyengo yakwene?

Luka 13:15

Kweni Mbuya wangumwamuka ndi wanguti, “Mwaŵakufuvya, asi yumoza ndi yumoza waku imwe po Sabata wafwatuliya ng'ombe yake pamwenga mbunda yake ku murgheru, ndipo watiyirongozge kwachiyimweska?

Luka 17:5

Ndipo ŵakutumika ŵanguti ku Ambuya, “Tikuskiyeniko chivwanu.”

Luka 17:6

Kweni Ambuya ŵanguti, “Asani mwe nacho chivwanu uli ndi nje ya kamganji, munganene mkuyu uwu, ‘Jimphuka, ndi pandika mu nyanja yo;’ mphanyi watinge uvwiyenge imwe.

Luka 18:6

Kweni Mbuya wanguti, “Pulikizgani chenicho watiti mweruzgi wambura urunji.

Luka 19:8

Kweni Zakeyu wanguma, wanguti ku Mbuya, “Awonani Ambuya, chigaŵa cha viŵetu vyangu ndiŵapaska ŵakavu; ndipo asani ndamuphanga yumoza kanthu, ndimwerezgiyapo kanayi.”

Luka 22:61

Ndipo wangung'anamuka Mbuya, wangulereska Petro. Ndipo Petro wangukumbuka nenedu la Ambuya, mo wangumunene, “Weche wandakokoŵereke le tambala, undikanenge katatu.”

Luka 24:34

wakuti, “Nadidi ŵayuka Ambuya, ndipo ŵawoneke Simoni.”

Luka 7:13

Ndipo wachichiona Mbuya, wanguchichitiya chifundu, ndipo wanguchinene, “ungaliyanga.”

Luka 7:20

Ndipo ŵanguti ŵafika kwake wo ŵanthu, ŵanguti, Yohane Mbatizi watituma kwaku imwe, wakuti, “Kumbi imwe ndimwe yo watuza, pamwenga tilereziyenge munyake?”

Yohane 11:2

(Mariya uyu ndiyo wangupunguliya mafuta ghachema pa marundi gha Ambuya ndi kughareska ndi sisi lake; mwenuyu ndiyu mzichi waku Lazaro watamanga.)

Yohane 4:1

Viyo penipo Mbuya wanguziŵa kuti ŵaFarisi ŵavwa kuti Yesu waronde ndi wabatiza ŵasambizi ŵanandi kwakuruska Yohane,

Yohane 4:25

Wamnene munthukazi, “Ndiziŵa kuti watuza Mesiya (wakutamulika Kristu) penipo waza iyo, wazamkutitauliya pakweru vinthu vyose.”

Yohane 6:23

Kweni tunguzako tungaraŵa twakutuwa ku Tiberia kufupi ndi malo gho ŵangurghiyako chiŵande cho, wati ŵawonga Ambuya.

Yoswa 2:1

Ndipo Yoswa mwana waku Nuni wangutuma ŵanthu ŵaŵi mwakubisika kutuwa ku Shitimu kuskola charu, wanguti, “Rutani, kaskoleni charu, ukonga viŵi Yeriko.” Ŵanguruta ŵangufika ku nyumba ya munthukazi mureŵi yo wadanikanga Rahabe, ndipo ŵangugona kwenikuwa.

Chivumbuzi 11:3

Ndipo ndipaskenge mtufu ku ŵakaboni ŵangu ŵaŵi, ndipo ŵakachimanga mazuŵa chikwi ndi machumi pe chumi ghaŵi ndi machumi ghankhonde ndi limoza (1,260), ŵakuvwara vigudulu.”