Luka 6:8 - Tonga Bible 1986

⁸ Kweni mweneko waziŵanga marunguruku ghawo; ndipo wanguti ku munthu yo wakuŵa ndi janja lakumira, “Soka, ndi ume mukati mo.” Ndipo wangusoka, wanguma.

Luka 6:8 ပူးပေါင်းရင်းမြစ်များ

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Jobu 42:2

“Ndiziŵa kuti muziŵa kuchita vinthu vyose, ndipo palivi kuti ghanaghano linu lingakanizgika.

Sumu 44:21

asi mphanyi Chiuta wachibowozga ichi? Pakuti waziŵa vyakubisika vya mtima.

Yesaya 42:4

Kuti wakatondekanga chingana nkhudondeskeka cha mpaka penipo wawandiska cheruzgu chirunji mu charu chapasi; ndi vyaru vya mu malikumba vikalindizganga dangu lake.

Mateyu 9:4

Ndipo Yesu, wakuziŵa maghanaghanu ghawo, wanguti, “Chifukwa chine mupimiya viheni mu mitima yinu?

Marko 3:3

Ndipo watiti ku munthu wakuŵa ndi janja lakuphapa yo, “Yiza kuno.”

Luka 13:12

Ndipo Yesu wanguti wamuwona, wangumdana, ndipo wanguti kwaku iyo, “Wamunthukazi, ufwatulika ku unthomboru wako.”

Luka 5:22

Kweni Yesu, wakuziŵa makambiranu ghawo, wangwamuka, wanguti kwaku wo, “Mukambirana chine mu mitima yinu?

Luka 6:9

Ndipo Yesu wanguti kwaku wo, “Ndifumba imwe, kumbi chiyamu pa Sabata kuchita umampha, pamwenga kuchita uheni? Kutaska umoyo, pamwenga kwananga?”

Yohane 2:25

chifukwa iyo wanguziŵa wose, ndipo kuti wangukavuka cha kuti yumoza wasimikizge pa munthu; chifukwa mwenecho waziŵanga cho chenga mu munthu.

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Yohane 9:4

Titenere kuzitata nchitu za Wakundituma, kweche msana: kutuza usiku, penipo palive yumoza waziŵa kutata nchitu.

Machitidu gha Ŵakutumika 20:24

Kweni kuti ndipimiya umoyo wangu kanthu socha, chingana ngwakuzirwa kwaku ndamweni cha, uli nkhufiska mvizi wangu ndi likondwa, ndi uteŵete wondinguronde ku Ambuya Yesu, kwachisimikizgiya evangeli wo wa wezi waku Chiuta.

Machitidu gha Ŵakutumika 26:26

Chifukwa wativiziŵa vyenivi karonga, kwaku mweniyo ndikamba ine kwawanangwa; chifukwa ndichichizgika kuti palive kanthu kakuvyenivi kabisika kwake; chifukwa chenichi chengavi kuchitika mu chingodya.

ŴaFilipi 1:28

pakofyeka ndi kanthu kanyake ndi ŵamawongu wo cha. Ndipo ichi nchisimikizgu chakupasuka kwawo kweni kwaku imwe mbutaski, chenicho nacho chikutuwa kwaku Chiuta.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

1 Petro 4:1

Viyo mwakuti Kristu wangukomwe mu liŵavu, namwe so jiphatiyeni ndi kapimidu keniko ndiko (pakuti mweniyo wakomwa mu liŵavu warekeko ku ulakwi);

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.