Luka 6:30 - Tonga Bible 1986

³⁰ Paska kwaku yose wakukupempha, ndipo ku wakupoka vyako ungafumbako so cha.

Luka 6:30 ပူးပေါင်းရင်းမြစ်များ

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Sumu 41:1

Ngwakutumbikika yo waghanaghaniya wakutomboroka! Ambuya atimpozomoska mu zuŵa la suzgu;

Nthanthi 19:17

Mweniyo ngwa chifundu ku mukavu wakongoleska Ambuya, ndipo akamulipanga pa nchitu yake.

Nthanthi 21:26

Zuŵa lose wamphulupulu wakhumbira, kweni murunji wapaska ndipo kuti wanora cha.

Nthanthi 22:9

Mweniyo wendi jiso la lisungu wakatumbikikanga, pakuti wasangana kurgha kwake ndi ŵakusauka.

Wakutaula 11:2

Pereka chigaŵa ku ŵankhonde ndi ŵaŵi pamwenga ŵankhonde ndi ŵatatu, pakuti kuti uziŵa cha mbuheni wa mtundu uli uŵenge pa charu chapasi.

Wakutaula 8:16

Po ndinguti ndapereka mtima wangu kuziŵa vinjeru, ndi kuwona nchitu zo zichitika panu pasi, chifukwa chine kuti chingana ndi msana pamwenga usiku maso gha munthu kuti ghawona tulo cha;

Mateyu 18:35

Viyo Ada nawo ŵakuchanya ndimo achitiyenge we yose waku imwe, asani mbali winu mureka kumugowoke kutuliya ku mitima yinu.”

Mateyu 5:39

Kweni ine ndikuneniyani, Ungamikana nayo mheni cha. Ndipo yose yo wakupamantha pa dakama lako lamarghe, umung'anamuliye linyake nalo;

Mateyu 6:12

Ndipo tirekiyeni mateu ghidu. Nge ndimo nafwe so taŵarekea mateu ŵidu.

Luka 11:41

Posepose paskani vyamkati nge ndi vyawezi, ndipo onani, vyose vikuŵiyani vyakuphotoleka.

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

Luka 6:29

Ku wakukupuma pa dakama, mpaske linyake so; ndipo ku wakupoka chivwinkhu chako ungakaniriya cha munjirira wo so.

Luka 6:31

Ndipo uli ndimo mukhumbiya kuti ŵanthu ŵachitiye imwe, namwe so chitiyani iwo kwakulingana.

Luka 6:38

paskani, ndipo kupaskikenge kwaku imwe; mweso weneko, wakusindirika, ndi wakuyungunika, ndi wakufwapuka, ŵapaskenge mu chifuŵa chino chifukwa ndi mweso wo mutese, wesekiyenge so kwaku imwe.”

Machitidu gha Ŵakutumika 20:35

Mwaku vyose ndakurongoni, kuti mwaŵakutakatakiya viyo mutenere kuwovya ŵakutomboroka, ndi kukumbuka so mazu gha Ambuya Yesu, po wanguti iyo, ‘Nkhwamwaŵi kupaska kwakuruska kuronde.’ ”

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

ŴaEfeso 4:28

Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka.