Luka 6:29 - Tonga Bible 1986

²⁹ Ku wakukupuma pa dakama, mpaske linyake so; ndipo ku wakupoka chivwinkhu chako ungakaniriya cha munjirira wo so.

Luka 6:29 ပူးပေါင်းရင်းမြစ်များ

2 Samuele 19:30

Ndipo Mefiboshete wangunena ndi karonga, “Awe, rekani wato chose, pakuti mbuyangu karonga mwawe so muchimangu.”

2 Mikoka 18:23

Zedekiya mwana waku Kenani wangundere kufupi wangu mpuma ku dakama, wanguti, “Kumbi mzimu wa Ambuya ungwenda mu nthowa niyi kutuwa kwangu kwachirongoro ndi iwe?”

Yesaya 50:6

Ndingung'anamukiya msana wangu ku wakupuma, ndi matama ghangu kwaku wo ŵanguguza mwembe, ndengavi kubisa chisku changu ku chilengesku ndi kukufunyika mata.

Chitenje 3:30

wang'anamukiye dakama lake ku wakumupuma, ndi wazazike ndi kunyozeka.

Mika 5:1

Sono mwazingirizgika ndi linga urwani watijarizga; ŵapuma ndi nthonga pa dakama la fumu yaku Yisraele.

Mateyu 26:67

Penipo ŵangumufunyiya mata ku maso, ndipo ŵangumjenyeska: ndipo ŵanyake ŵangumpuma makofi,

Luka 22:64

Ndipo ŵati ŵamburumutizga, ŵamfumbanga, ŵakuti, “Loska; njani yo wakupuma?”

Luka 6:30

Paska kwaku yose wakukupempha, ndipo ku wakupoka vyako ungafumbako so cha.

Yohane 18:22

Ndipo wachikamba ichi, yumoza wa ŵamirizi ŵakumapo wangumjenyeska Yesu khofi, wakuti, “Kumbi utumwamuka mzukuru mura viyo?”

Machitidu gha Ŵakutumika 23:2

Ndipo mzukuru mura yo, Hananiya, wangulanguliya wo ŵanguma pafupi pake kumpamantha pa mlomo.

1 ŴaKorinte 4:11

Mpaka ku ora lino tituvwa nja ndi nyota, te ŵankhuli, tibakafulika, ndipo tiuraura waka taŵambura muzi,

1 ŴaKorinte 6:7

Awa na, kutore mrandu kumphara zakubwaro yumoza pa munyake nchifukwa chakutondeka kwa umoyo winu wachikristu. Chifukwa chine mureka kuvwiyapo uheni? Ukongwa viŵi murekiyanji kuti imwe ndimwe muphangike?

2 ŴaKorinte 11:20

Chifukwa mukunthiyapo, asani munthu wakusanduskani ŵaŵanda, asani munthu wakumezani, asani munthu wakukoleni urghargha, asani munthu wajitumphuska, asani munthu wakupamanthani ku maso.

ŴaHebere 10:34

Chifukwa mungufwiya so lisungu ŵamagoŵa wo, ndipo mungukunthiyapo kwakukondwa muskowu wa viŵetu vinu, pakuziŵa kuti mwaŵeni mwe ndi chiŵetu chamamphako ndi chakujaririya.