Luka 6:21 - Tonga Bible 1986

²¹ “Mwe ŵamwaŵi mwaŵanja sono; pakuti mugutiskikenge. “Mwe ŵamwaŵi ŵakuliya sono; pakuti musekenge.

Luka 6:21 ပူးပေါင်းရင်းမြစ်များ

Chiyambo 17:17

Sono Abrahamu wangusindama chisku ndi wanguseka, ndi wanguti kwaku iyo yija, “Kumbi mwana wakapapikanga ndi munthu mweniyo pa ura wake wendi virimika machumi pe chumi (100)? Kumbi Sara mweniyo wendi virimika machumi ghankhonde ndi ghanayi (90) wangapapa mwana?”

Chiyambo 21:6

Ndipo Sara wanguti, “Chiuta wandichitiya kusekeka; munthu yose mweniyo wakavwanga wakasekenga ine.”

Sumu 107:9

Agutiska wo ŵendi nyota, ndipo ŵanja atiŵazaza ndi vyamampha.

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Sumu 143:6

Manja ghangu ndisoske kwinu; mzimu wangu uparanthukiya imwe nge ncharu chiyumu.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 28:7

Ambuya ndi nthazi yangu ndi nguru yangu; mtima wangu ugomekezga mwaku iwo; viyo nditovyeka, ndi mtima wangu ukondwere; ndipo nditiŵawonga ndi sumu yangu.

Sumu 65:4

Ŵakukondwa mbeniwo imwe musankha, wo mutiŵajarika mumalo ghinu ghakupaturika! Tikakhorwanga ndi vyamampha vya mu nyumba yinu, vitumbiku vya mu nyumba yinu yakupaturika!

Yesaya 25:6

Pa phiri lenili Ambuya ŵa maŵanja akachitiyanga ŵanthu wose dghera la vyakututuŵa, dghera la vinyo wapa visika, la vinthu vyakututuŵa vya mafuta ghakubwituka, la vinyo pa visika vyakukung'untha umampha.

Yesaya 30:19

Inya, mwa ŵanthu ŵamu Zioni imwe muja mu Yerusalemu, kuti mukaliyanga so cha. Wakaŵangadi ndi wezi paku imwe pa chiwawa cha kuliya kwinu, wachivwa kuliya ko, wakamwamukaninga.

Yesaya 66:10

“Kondwani pamoza ndi Yerusalemu, musekere chifukwa chake, imwe mose mutuŵanja; kondwani nayo pamoza mu chimwemwe, imwe mose mutimutenjere;

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 31:25

Pakuti ndikagutiskanga mzimu wakuvuka, ndi mtima wose wakuvuka ndikawukhorweskanga.”

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Ezekiele 7:16

Ndipo asani ŵajako ŵakuthaŵa, ŵakaŵanga pa mapiri, nge ndi nkhunda za mudambo, wose ŵatenje, we yose pa uheni wake.

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Mateyu 5:4

“Mbakutumbikika ŵakutenje, pakuti iwo ŵasanguruskikenge.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Luka 1:53

Anja waguska vyamampha; ndipo ŵasambasi wadika ŵambughuya.

Luka 6:20

Ndipo iyo, pakuyinuskiya maso ghake pa ŵasambizi ŵake, wanguti, “Mwe ŵamwaŵi mwaŵakavu; pakuti ngwinu ufumu waku Chiuta.

Luka 6:22

“Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

Luka 6:25

“Owe kwaku imwe mwaŵakuguta sono! Pakuti mufwenge ndi nja. “Owe, mwaŵakuseka sono! Pakuti mutenjenge ndi muliyenge.

Yohane 11:35

Yesu wanguliya.

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

Yohane 6:35

Wanguŵanene Yesu, “Ine ndine Chiŵande cho cha umoyo yo watuza kwaku ine kuti waŵenge wanja cha, ndipo wakuvwana mwaku ine kuti waŵenge so wanyota cha muyaya.

1 ŴaKorinte 4:11

Mpaka ku ora lino tituvwa nja ndi nyota, te ŵankhuli, tibakafulika, ndipo tiuraura waka taŵambura muzi,

2 ŴaKorinte 11:27

mu katatalidu ndi kavukidu, mu macheruzgu panandi, mu nja ndi nyota, mu kuuravi kurgha panandi, mu kuzizira ndi nkhuli.

2 ŴaKorinte 12:10

Viyo ndikondwere mu maunthomboru, mu matozu, mu mauzitu, mu viŵembu, mu masoka, chifukwa chaku Kristu: chifukwa penipo nde wakutomboroka, po ndipo nde wanthazi.

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

Chivumbuzi 7:16

Kuti ŵafwenge msara so cha, chingana nkhuti afwenge nyota so cha; chingana nkhuti dazi lo lingaŵapweteka so cha, chingana nchifundizi chose chakocha cha.