Luka 6:12 - Tonga Bible 1986

¹² Ndipo kunguŵa mu mazuŵa yagha kuti wangutuliya ku phiri kwachiromba; ndipo wajariyanga usiku wose mu kuromba Chiuta.

Luka 6:12 ပူးပေါင်းရင်းမြစ်များ

Sumu 22:2

Mwa Chiuta wangu, ndidana ndi msana, kweni kuti mutamuka cha; ndipo ndi usiku, kweni chipumulo kulivi.

Yesaya 26:9

Mzimu wangu unweka imwe ndi usiku, mzimu mukati mwangu upenja imwe ndi linweka. Pakuti asani vyeruzgu vinu vye mu charu chapasi, ŵakuja mu charu ŵasambira urunji.

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

Mateyu 5:1

Ndipo pakuwona mizinda yo, Yesu wangukwera pa phiri lo, ndipo wati waja pasi, ŵanguza kwaku iyo ŵasambizi ŵake,

Mateyu 6:6

Kweni iwe, penipo uromba, sere mu chipinda chako, jarako ku khomo, urombe Ausu wo ŵemu ubende, ndipo Ausu wo atikuwona mu ubende akuwerezgiyengepo.

Marko 1:35

Ndipo ndi mlenji, kweche usiku, wanguyuka ndi kutuwa, wanguruta ku malo gha bozwa, warombanga kweniko.

Marko 3:13

Ndipo ŵangukwera mu phiri lo, ndipo wangudana ŵeniwo wakhumbanga iyo: ndipo ŵanguza kwaku iyo.

Marko 6:46

Ndipo pakuŵarayira, wanguruta ku phiri kwachiromba.

Luka 5:16

Kweni mweneko wabisamanga mu mabozwa, ndi warombanga.

Luka 6:11

Ndipo iwo ŵanguzazika ndi ukari ndipo ŵakambirananga cho ŵangamchitiya Yesu.

Luka 6:17

Ndipo wanguti wasikiya pamoza nawo, wanguma pa malo gha chidika ndi mzinda ukuru wa ŵasambizi ŵake, ndi urapasi ukuru wa khamu kutuliya ku Yuda yose ndi Yerusalemu ndi ku likumba laku Turo ndi Sidoni, wo ŵanguza kwachimuvwa ndi kwachichizgika ku nthenda zawo;

Luka 9:18

Ndipo kunguŵa wachiromba paku yija, ŵasambizi wo ŵenga pamoza nayo: ndipo wanguŵafumba, wakuti, “Mizinda yo yikamba kuti, ndine yani?”

Luka 9:28

Ndipo kunguŵa nge ndi mazuŵa ghakhonde ndi ghatatu pavuli pa makani yagha, kuti wanguto Petro ndi Yohane ndi Yakobe, ndipo wangukwere mu phiri kwachiromba.

Luka 9:29

Ndipo kunguŵa pa warombanga iyo, kaŵiru ka chisku chake kangusanduka, ndipo chivwaru chake chinguŵa chituŵa chakugadima.

Yohane 6:3

Ndipo Yesu wangukwere mu phiri, wanguja pasi pamoza ndi ŵasambizi ŵake.

ŴaKolose 4:2

Fwiririyani mu kuromba, ndipo mucherezge mwenimo ndi kuwonga.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

1 Samuele 15:11

“Kuti ndipaska chitima kuti ndikutondo Sauli kuŵa karonga; pakuti wawere vuli wareka kundirondo, ndipo kuti wafiska marangu ghangu cha.” Ndipo Samuele wangukwiya; ndipo wanguliya ku Ambuya usiku wose.