Luka 5:35 - Tonga Bible 1986

³⁵ Kweni ghazenge mazuŵa; ndipo penipo mweneko wa nthengwa watuzgikenge kwaku wo, po ndipo ŵafungenge mu mazuŵa gha.”

Luka 5:35 ပူးပေါင်းရင်းမြစ်များ

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Mateyu 9:15

Yesu wanguŵanene, “Kumbi ŵangatenje ŵana ŵanthengwa, penipo mweninthengwa we nawo pamoza? Kweni ghazenge mazuŵa ndipo wampokeka kwaku wo mweni-nthengwa, ndipo ŵafungenge penipo.

Marko 2:20

Kweni ghakazanga mazuŵa, penipo mweni-nthengwa wakatuzgikangako kwaku wo, penipo ndipo ŵafungenge mu zuŵa liya.

Luka 17:22

Ndipo wanguti ku ŵasambizi, “Ghazenge mazuŵa, penipo munwekiyenge kuona limoza la mazuŵa gha Mwana wa munthu, ndipo kuti mulionenge cha.

Luka 5:34

Ndipo Yesu wanguti kwaku wo, “Kumbi mungafungiska ŵana ŵa nkhole, po mweneko wa nthengwa weche pamoza nawo?

Luka 5:36

Ndipo so waŵakambiyanga ntharika, kuti, “Palive munthu wagambika chigamba cha munjirira ufya pa munjirira wakuvumuka; iku nadi waparuwenge wo ufya, ndipo kuti chigamba cho cha ku ufya wo chiyanenge cha ndi wakuvumuka wo.

Yohane 12:8

Chifukwa mwe nawo ŵakavu pamoza namwe nyengo zose; kweni kuti mwe ndi ine nyengo zose cha.”

Yohane 13:33

Mwatwana mwe, kanyengo kamanavi ndeche namwe pamoza. Mundilembenge; ndipo nge ndimo ndiguŵanene ŵaYuda, viyo sono nako ndinene imwe, ‘Kweniko ine nditiya kuti muziŵa kuzako imwe cha’

Yohane 16:28

Ndikutuwa ku Ada, ndipo ndaza mu charu: ndipo so ndireka charu ichi ndiruta ku Ada.”

Machitidu gha Ŵakutumika 1:9

Ndipo wanguti wakamba mazu yagha, ŵachilereska iwo, wangutoreke kuchanya; ndipo mtambo ungumronde ku maso kwawo.

Machitidu gha Ŵakutumika 14:23

Ndipo ŵanthu ŵanguŵatondole ŵara mu mpingu ndi mpingu, ndipo ŵanguti ŵaŵarombe ndi kufunga, ŵanguwaseserekezga ku Mbuya, mwaku mweniyo ŵanguvwaniya.

Machitidu gha Ŵakutumika 3:21

ndiyo Yesu: mweniyo kutenere kuchanya kumronde mpaka nyengo za chiwerezga chaku vyose, vyenivyo Chiuta wangurongorole ndi mlomo wo ŵamchimi ŵake wose wakupaturika kutuwa ku mwaka.

1 ŴaKorinte 7:5

Mungakaniyananga cha, kweni iku asani mpha phanganu kwakanyengo kakuti, mungaziŵa kujipatuwa mwakuti mujipereke ku kuromba pavuli pake muŵe pamoza so, alinga kuti warekenge Satana yo kumwesani chifukwa cha uzirakujitintha winu.

2 ŴaKorinte 11:27

mu katatalidu ndi kavukidu, mu macheruzgu panandi, mu nja ndi nyota, mu kuuravi kurgha panandi, mu kuzizira ndi nkhuli.