Luka 5:26 - Tonga Bible 1986

²⁶ Ndipo chirwita chinguŵako wose, ndipo ŵakankhuskanga Chiuta; ndipo ŵanguzazika chopu, ŵakukamba kuti, “Tawona vyakutondweska le.”

Luka 5:26 ပူးပေါင်းရင်းမြစ်များ

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Mateyu 12:23

Ndipo mzinda yose yarwitanga, ndi yatinge, “Kumbi mwenuyu ndi mwana waku Davidi?”

Mateyu 28:8

Ndipo ŵangutuwako ruŵi ku muunda ndichopu ndi chimwemwe chikuru; ŵanguchimbiya kwachitauliya ŵasambizi ŵake.

Mateyu 9:8

Kweni, yati yawona mizinda yo, yingopa, ndipo yingumkankhuska Chiuta yo wapaska nthazi yaviyo ku ŵanthu.

Marko 2:12

Ndipo wanguyuka, ndi sosonukweni wangunyamuwa chita, wangutuwa paurongo paku wose; viyo kuti wose ŵanguzizwa ndipo ŵamukankhuskanga Chiuta, ŵakuti, “Kali kose kuti tachiona chaviyo cha.”

Luka 1:65

Ndipo ofi unguŵiya paku wose ŵakuzengezgana nawo: ndipo mu charu chose chaku Yuda ghawandiskikanga ghose makani yagha.

Luka 5:8

Kweni wachiwona, Simoni Petro wanguwa pa makongono ghaku Yesu, wakunena, “Tuwaniko kwangu, pakuti ndine munthu wakulakwa, Ambuya.”

Luka 7:16

Ndipo chopu chinguŵako wose, ndipo ŵakankhuskanga Chiuta, ŵakuti, “Mchimi mura wayuka mwidu: ndipo, Chiuta walingiyapo pa khamu lake.”

Luka 8:37

Ndipo urapasi wose wa charu chakuzunguliya cha ŵaGerasa ungumuŵeyere kutuwako kwawo; pakuti ŵangukoleka ndi chopu chikuru: ndipo wangusere mu chombo, ndi wanguwe.

Machitidu gha Ŵakutumika 4:21

Ndipo ŵati ŵaŵachenjezga so, ŵanguŵafwatuwa, kwambura kubowozga mo ŵangaŵalanguliya, chifukwa cha khamu lo; pakuti wose ŵakankhuskanga Chiuta paku cho chinguŵapo.

ŴaGalatia 1:24

Ndipo yamkankhuskiyanga Chiuta mwaku ine.