Luka 5:21 - Tonga Bible 1986

²¹ Ndipo ŵangwamba ŵalembi ndi ŵaFarisi kukambirana, kuti “Ndiyani mwenuyu yo warongoro matuka? Njani wanthazi kureke vyakulakwa, kweni Chiuta pe yija?”

Luka 5:21 ပူးပေါင်းရင်းမြစ်များ

Sumu 103:3

Mbakugowoke kubende kwako kose, mbakuchizga nthenda zako zose.

Sumu 130:4

Kweni mutitigowoke, alinga kuti timopeni imwe.

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

Sumu 35:5

Ŵaŵe nge ndi mwere paurongo pa mphepo, mungelo wa Ambuya waŵadikiske!

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

Danyele 9:19

Ambuya, vwani, gowokiyani; Ambuya phwereni ndi chitani; rekani kuswera chifukwa chaku mwaŵeni, A Chiuta wangu, chifukwa msumba winu ndi ŵanthu ŵadanika ndi zina linu.”

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

ŴaLevi 24:16

Yo watuka zina la Ambuya wabayike: mpingu wose ukamudinanga ndi mya. Mlendo wakutandara mukati mwinu ndi mwenicharu nayo, asani watuka, zina lo, wakabayikanga.

Mika 7:19

Ŵakaŵanga so nafwe ndi chitima, wakakandirizgiyanga pasi pamarundi ghake maulakwi ghidu. Mukatayanga mu zindimba za nyanja mauheni ghidu ghose.

Mateyu 26:65

Sono mzukuru mura wanguparuwa minjirira yake, wakuti, “Watokota: na, tikavukiyanji so ŵakaboni ŵanyake? Awonani, mwavwa kutokota kwake?

Mateyu 9:3

Ndipo, ŵanyake ŵa ŵalembi ŵangunena mwaku ŵija, “Watuka uyu.”

Luka 3:8

Viyo pasani vipasi vyakwenere chipe, ndipo munganda cha kunena mwaku mwaŵeni, ‘Dada te nayo Abrahamu’; chifukwa ndikuneniyani, kuti Chiuta ngwanthazi mu mya iyi kuyuskiya ŵana kwaku Abrahamu.

Luka 5:17

Ndipo kunguŵa pa limoza la mazuŵa gho, kuti iyo wasambizganga; ndipo ŵajangapo ŵaFarisi ndi ŵasambizgi ŵa langulu wo ŵanguza kutuliya ku mizi yose yaku Galile ndi Yuda ndi Yerusalemu: ndipo nthazi ya Mbuya yenga nayo kwachichizga.

Luka 5:22

Kweni Yesu, wakuziŵa makambiranu ghawo, wangwamuka, wanguti kwaku wo, “Mukambirana chine mu mitima yinu?

Luka 7:49

Ndipo ŵakujapo pamoza nayo pa kurgha ŵangwamba kunena mwaku ŵija, “Njani uyu yo wareke vyakulakwa navyo?”

Yohane 10:33

Ŵangumwamuka ŵaYuda, “Kuti tikupong'a mya chifukwa cha nchitu yamampha cha, kweni pa chifwa cha utusi, ndi so pakuti iwe, pakuŵa munthu, uzisanduska Chiuta.”

ŴaRoma 8:33

Njani waŵasumuwenge ŵakusankhika ŵaku Chiuta? Chiuta ndiyo warunjiska; wakususka njani?