Luka 5:20 - Tonga Bible 1986

²⁰ Ndipo wachiona chivwanu chawo wanguti, “Wamunthu, vyarekeke iwe vyakulakwa vyako.”

Luka 5:20 ပူးပေါင်းရင်းမြစ်များ

Chiyambo 22:12

Wanguti, “Reka kumubaya mwana yo, chingana nkhuchita nayo kanthu kanyake cha; pakuti sono ndiziwa kuti utopa Chiuta, pakuti wakaniliya mwana wako cha, mwana wako yumoza pe, kwaku ine.”

Yesaya 38:17

Ehe nchifukwa chaku ndamweni ndinguŵa ndi urwirwi ukuru; kweni imwe mwawezgako umoyo wangu ku zenje la pharghaniko, pakuti mwapong'a uheni wangu wose kuvuli ku msana winu.

Mateyu 9:2

Ndipo, awonani, ŵangumtole wavinjenje wakura pa mphasa; ndipo Yesu wachiwona chivwanu chawo, wanguti ku wavinjenje yo, “Zika mtima, wamwana we, vyagowokereke iwe vyakulakwa vyako.”

Mateyu 9:5

Chifukwa chiyuyu nichi, kunena, ‘Vyagowokereka vyakulakwa vyako’; pamwe kunena, ‘Soka, ndi endanga?’

Marko 2:5

Ndipo Yesu, wachiwona chivwanu chawo, watiti ku wavinjenje yo, “Wamwana, vyarekeka vilakwa vyako.”

Luka 7:48

Ndipo wanguti kwaku iyo, “Vyarekeka vyakulakwa vyako.”

Yohane 2:25

chifukwa iyo wanguziŵa wose, ndipo kuti wangukavuka cha kuti yumoza wasimikizge pa munthu; chifukwa mwenecho waziŵanga cho chenga mu munthu.

Yohane 5:14

Pavuli Yesu wangumsaniya mu kasopi, ndipo wangumnene, “Awona, wachizgika: ungalakwanga so cha, vinu chinthu chiheni ku chingakuwiya.”

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Machitidu gha Ŵakutumika 14:9

Yo wavwanga Paulo wachikamba: yo pakumlereska dodoli ndi kuwona kuti wenga ndi chivwanu kuchizgika,

2 ŴaKorinte 2:10

Kwaku mweniyo yose mugowoke kanthu ine nane so ndimugowokiyenge. Chifukwa asani ine nane so ndimugowokiyenge. Chifukwa asani ine nane, ndimugowoke, ndamugowoke chifukwa chinu pa maso ghaku Kristu;

ŴaKolose 3:13

muŵe ŵakukunthiriyana ndi ŵakurekiyana, yumoza ndi munyake; asani munthu wangaŵa ndi kafukwa pa munyake uli ndimo Ambuya agowoke imwe, namwe so muchite viyo.

Yakobe 2:18

Kweni wakambenge yumoza, “Iwe wenacho chivwanu, ndipo ine nde nayo milimu”; ndirongo chivwanu chako pade pa milimu yako, ndipo ine mu milimu ndikurongonge chivwanu changu.