Luka 4:34 - Tonga Bible 1986

³⁴ “Owe! Te ndi chine ndi iwe, Yesu waku Nazarete? Kumbi waziya kwachinanga ifwe? Ndikuziŵa mo uliri, Wakupaturika we waku Chiuta.”

Luka 4:34 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

Sumu 16:10

Chifukwa imwe mulivi kundipereka ku muunda, pamwenga kuzomerezga mtuŵa winu kuti wawone zenje.

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Mateyu 8:29

Ndipo awonani, ŵangubongo, “Tatinjinamwe, mwa Mwana waku Chiuta? Mwaziya kuno kuzachitisuzga, yeche yindafike nyengo?”

Marko 1:24

ndipo wangukambura, kuti, “Te ndi chine ndi iwe, Yesu waku Nazarete? Kumbi waziya kuzachitinanga? Nditukuziŵa mo uliri, Wakupaturika we, waku Chiuta.”

Marko 1:34

Ndipo wanguchizga ŵanandi ŵakutama ndi matenda ghakupambanapambana, wangutuzga ŵademone ŵanandi ndipo kuti wanguzomerezga ŵademone wo kurongoro cha, pakuti ŵangumziŵa.

Marko 5:7

wakukambura ndi mazu ghakuru, wanguti, “Ndatinji namwe, Yesu, mwaMwana waku Chiuta Wamdengwendi? Ndikurapiskiyani ndi Chiuta, mungandisuzganga cha.”

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Luka 4:33

Ndipo mu sinagoge mwenga munthu wakuŵa ndi mzimu wa demone wawiyu; ndipo wangukambura ndi liu likuru,

Luka 4:41

Ndipo ŵademone nawo ŵatuwangamo mu ŵanandi, ŵakukambura ndi ŵakuti, “Iwe ndiwe Mwana waku Chiuta!” Ndipo wanguŵachenya, kuti waŵazomerezganga kurongoro cha, pakuti ŵamziŵanga kuti wenga Kristu.

Luka 8:28

Ndipo pakuwona Yesu, wangukambura ndi wanguwa paurongo pake, ndipo ndi mazu ghakuru wanguti, “Ndendi chine ndi imwe, Yesu, Mwana waku Chiuta Wamdengwendi? Ndikuŵeyereni, mungandisuzganga.”

Luka 8:37

Ndipo urapasi wose wa charu chakuzunguliya cha ŵaGerasa ungumuŵeyere kutuwako kwawo; pakuti ŵangukoleka ndi chopu chikuru: ndipo wangusere mu chombo, ndi wanguwe.

Machitidu gha Ŵakutumika 16:39

ndipo wanguzachiŵaŵeyere, ndipo pakuŵatole kubwaro, ŵanguŵapempha kutuwako ku muzi wo.

Machitidu gha Ŵakutumika 2:27

Chifukwa kuti mwamjowo mzimu wangu mu Hadesi cha, chingana nkhuti mwampaska Wakupaturika winu kuwona chivuzi cha.

Machitidu gha Ŵakutumika 3:14

Kweni wakupaturika ndi murunji yo imwe mungumkana, ndipo mungupempha kuti munthu wambanda wapaskike waka kwaku imwe,

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,

ŴaHebere 2:14

Pakuti ŵana, nge ndimo watuŵadaniya, mbanthu ŵa kaŵiro ka liŵavu, Yesu nayo wanguŵa nge ndiwo, ndi wangusangana kaŵiro ka unthu; kuti mu nyifwa wangamuwayuwayo wenga ndi nthazi ya nyifwa, ndiyo diabolo;

Yakobe 2:19

Iwe uvwana kuti walipo Chiuta Yumoza; uchita umampha: wademone wavwana, ndipo wambwambwanthiya.

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

Chivumbuzi 20:2

Ndipo wanguko nchalinda yo, njoka yo yamwaka, yo ndi Diabolo ndi Satana; ndipo wangumumanga virimika chikwi,

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.