Luka 4:18 - Tonga Bible 1986

¹⁸ “Mzimu wa Mbuya we paku ine, pakuti wangunditukutizgiya kutauliya ŵakavu ghakunozga. Wandituma kumemeze chifwatuwa ku ŵamikoli ndi kuŵachiburumutiya chiwona so, kuŵadomo ŵakuphwanyika,

Luka 4:18 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

2 Mikoka 34:27

chifukwa mtima wako ngwakoloŵa ndipo wajipepuwa paurongo paku Chiuta unguti wavwa mazu kususka malo yagha ndi ŵanthu ŵake, ndipo sono wa jipepuwa paurongo pangu ndi kuparuwa vyakuvwara vyake ndi kutenje paurongo pangu, ine nane ndakuvwa, atiti Ambuya.

Sumu 102:20

Kuvwa kutamantha kwa ŵakumangika, ndi kuŵafwatuwa wo ŵangweruzgikiya ku kubayika.

Sumu 147:3

Achizga mitima ya kusweka, ndi kumanga mabara ghawo.

Sumu 2:2

Ŵatijimiska ŵakaronga ŵa pasi, ndi ŵeruzgi ŵachita upu pamoza, kumikana ndi Ambuya ndi ŵakupakika ŵawo, ŵatiti,

Sumu 2:6

“Ndamika karonga wangu pa Zioni, phiri langu lakupaturika.”

Sumu 34:18

Ambuya ŵepafupi ku ŵakusweka mtima, ndi kuwombo mizimu yakutekenyeka.

Sumu 45:7

mutanja urunji mutinkha uheni. Chifukwa cho Chiuta, Chiuta winu wakutondoni, ndipo wapunguliya paku imwe likondwa likuru kwakuruska ŵanyinu wose.

Sumu 51:17

Sembe yakurondeka ndi Chiuta ndi mzimu wakusweka; mtima wakusweka ndi wakupe, A Chiuta, imwe kuti muyeyenge cha.

Yesaya 32:3

Sono maso ghaku wo ŵalereska kuti ghakasizimiyanga cha, makutu ghaku wo ŵatuvwa ghakategherezganga.

Yesaya 35:5

Sono maso gha ŵachiburumutiya ghakabanukanga, ndi makutu gha ŵamgota kuti ghagotenge cha,

Yesaya 42:7

kujura maso gha ŵachiburumutiya, kutuzga ŵamagoŵa mu chizenje, mu nyumba ya magoŵa wo ŵaja mu mdima.

Yesaya 45:13

Ndamuyuskiya mu urunji ndipo ndikanyoroskanga nthowa zake zose; ŵakazenganga muzi wangu ndipo ŵakafwatuwanga ŵakudikika ŵangu, ndi mtengo pamwenga mphoto cha,” atiti Ambuya ŵa maŵanja.

Yesaya 49:9

kunene wamagoŵa, ‘Tuwani!’ Kwaku wo ŵe mu mdima, ‘Wonekani!’ Iwo wakarghanga mu nthowa zose, pa mitunthu yose yambura kanthu pakaŵanga chipozwa chawo,

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yesaya 59:21

“Kweni nge nkhwaku ine, ili ndi phanganu langu ndi iwo, atiti Ambuya: mzimu wangu wo we paku iwe, ndi mazu ghangu gho ndaŵika mu mlomo wako, kuti ghakatuwangamo cha mu mlomo wako, pamwenga kutuwamo mu mlomo wa ŵana ŵako, pamwenga mu mlomo wa ŵana ŵa ŵana ŵako, atiti Ambuya, kwamba kunu ku sono, kurutiliya ku nthazi ndi mpaka ku muyaya.”

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Danyele 9:24

“Ŵasabata machumi ghankhonde ndi ghaŵi ŵa virimika ŵamikikiya pa ŵanthu ŵako ndi msumba wako wakupaturika, kumarizga maubudi ndi kumara ulakwi, ndi kupepeske uchikana marangu, ndi kwazachiserezga urunji wa muyaya, kuzighiriya ivi, chiwona ndi uchimi, ndi kudira mafuta pa malo ghakupaturika ukongwa.

Zefaniya 3:12

Chifukwa ndisiyenge mukati mwako ŵanthu ŵakuzika ndi ŵakujiyuyuwa. Ŵakapenjanga chiphokwelu mu Ambuya.

Zekariya 11:11

Viyo lingusweka mu zuŵa leniliya ndipo ŵakugula mberere, wo ŵalereskanga ine ŵanguziŵa kuti ghenga mazu gha Ambuya.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Mateyu 12:18

“Awonani, Mwana wangu, yo ndasankha, nkhwanjiwa wangu mwaku mweniyo mzimu wangu ukondwere: ndiŵikenge paku iyo mzimu wangu, ndipo watauliyenge mitundu cheruzgu.

Mateyu 12:20

Dete lakuphwanyika kuti wakafyonga cha, ndipo chisunda chakusunkha kuti wazimwenge cha, npaka po watoriyenge cheruzgu ku upundi.

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Luka 4:17

Ndipo kungupaskika kwake buku la mchimi Yesaya. Ndipo wanguti wabanuwa buku lo, wangubowozga malo penipo pangulembeka,

Luka 6:20

Ndipo iyo, pakuyinuskiya maso ghake pa ŵasambizi ŵake, wanguti, “Mwe ŵamwaŵi mwaŵakavu; pakuti ngwinu ufumu waku Chiuta.

Luka 7:22

Ndipo wakwamuka wanguŵanene, “Rutani, mtauliyeni Yohane vyo mwawona ndi mwavwa; ŵachiburumutiya ŵalereska, ŵakuganthiya ŵatenda, ŵamakhate ŵaphotoleka, ŵamgota ŵatuvwa, ŵakufwa ŵayuskika, ŵasokwa ŵataulikiya evangeli.

Yohane 1:41

Mweniyo po wanguti wasaniya danga mkuwake Simoni, wangumnene, “Tamsaniya Mesiya” (cho cing'anamuwa Kristu).

Yohane 12:46

Ndaza Kungweruka mu charu, alinga kuti yose wakuvwana mwaku ine wangajaririyanga mu mdima cha.

Yohane 3:34

Chifukwa mweniyo Chiuta wamtuma, warongoro mazu ghaku Chiuta: chifukwa kuti wapaska Mzimu kwamweso cha.

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Machitidu gha Ŵakutumika 4:26

Ŵangujindandaliska ŵakaronga ŵa charu, ndipo nduna zo zinguwungana pamoza, pa Ambuya ndi pa Wakupakika wawo.’

Machitidu gha Ŵakutumika 4:27

“Chifukwa mu msumba uno ŵanguwungirana pa Muŵanda winu Wakupaturika Yesu, yo mungupatuwa, Herode ndi so Pontio Pilato, pamoza ndi Mitundu ndi makhamu ghaku Yisraele,

ŴaKolose 1:13

Ndiyo wangutitaska ku mtufu wa mdima, ndipo wangutisamiskiya ku ufumu wa mwana wake wakwanjiwa;

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;